قازاقستان ەكونوميكاسى ساپالى ٶسٸم كٶرسەتٸپ وتىر, ول ٶندٸرٸستٸك بازانىڭ ناقتى كەڭەيۋٸمەن قامتاماسىز ەتٸلگەن. نەگٸزگٸ كاپيتالعا سالىناتىن بارلىق سالىمنىڭ 80%-دان استامى جەكە كٶزدەر ەسەبٸنەن جٷزەگە اسىرىلادى. بۇل تۋرالى مەجٸلٸس وتىرىسىندا پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين دەپۋتاتتاردىڭ جٸٶ قۇرىلىمى تۋرالى سۇراقتارىنا جاۋاپ بەرۋ بارىسىندا مەلٸمدەدٸ, دەپ حابارلايدى dalanews.kz.
ونىڭ ايتۋىنشا, بيۋدجەت شىعىستارىنىڭ ۇلعايۋىنا قاراماستان, ەكونوميكا ٸشكٸ جەنە سىرتقى ينۆەستورلار ەسەبٸنەن دامىپ كەلەدٸ: نەگٸزگٸ كاپيتالعا سالىنعان ينۆەستيتسييا كٶلەمٸ 22,7 ترلن تەڭگەگە جەتسە, تٸكەلەي شەتەلدٸك ينۆەستيتسييالار اعىنى 14,4%-عا ٶسٸپ, $20,5 ملرد-تى قۇرادى.
پرەمەر-مينيستردٸڭ ورىنباسارى ٶنەركەسٸپ ٶندٸرٸسٸ مەن ٶڭدەۋ سەكتورىن نەگٸزگٸ درايۆەرلەر رەتٸندە اتادى. ماشينا جاساۋ, حيمييا ٶنەركەسٸبٸ جەنە قۇرىلىس ماتەريالدارىن ٶندٸرۋ سالالارىندا جوعارى قارقىن بايقالادى, بۇل ەلٸمٸزدٸڭ ٶندٸرٸستٸك ەلەۋەتٸنٸڭ ارتىپ وتىرعانىن كٶرسەتەدٸ. تٶلەم بالانسىنداعى باستاپقى كٸرٸستٸڭ تەرٸس سالدوسىن قازاقستان ەكونوميكاسىنىڭ اشىقتىعىن كٶرسەتەتٸن ٸرٸ جوبالاردى اياقتالعاننان كەيٸن ينۆەستورلاردىڭ پايداسىن ەلدەن شىعارۋىنىڭ تابيعي ٷدەرٸسٸ رەتٸندە سيپاتتالدى.
«قازٸر بٸز كٷرەسٸپ جاتقان جالعىز مەسەلە – ينفلياتسييا. ۇلتتىق بانكپەن جەنە قارجى نارىعىن رەتتەۋشٸ ورگانمەن بٸرلەسٸپ, بۇل باعىتتا تيٸستٸ باعدارلاما ەزٸرلەندٸ, جۇمىس جٷرگٸزٸلۋدە. ينفلياتسييا تٶمەندەپ كەلەدٸ, ٶتكەن ايدىڭ قورىتىندىسى بويىنشا 10,4%-دى قۇرادى. وسى ايدا وسىنداي تٶمەندەۋ ٷردٸسٸن ساقتايمىز دەپ ٷمٸتتەنەمٸن», — دەدٸ سەرٸك جۇمانعارين.
