باس پروكۋرور بەرىك اسىلوۆ الماتى وبلىسى پوليسياسىنىڭ بۇرىنعى باسشىسى اتىشۋلى سەرىك كۇدەبايەۆتىڭ ۇستالعانىن راستادى. 

بۇعان دەيىن بەيرەسمي اقپارات كوزدەرى كۇدەبايەۆتى ستامبۇلدان ارنايى رەيسپەن اكەلدى دەگەن حابار تاراتقان بولاتىن.

سوت بولاردىڭ الدىندا ەلدەن قاشىپ كەتكەن سەرىك كۇدەبايەۆ شەكارادان تاۋ ارقىلى ءوتتى دەگەن بولجام ايتىلعان ەدى. بۇل تۋرالى ق ر ۇقك شەكارا قىزمەتىنىڭ باسشىسى ەرلان الداجۇمانوۆ مالىمدەگەن.

قاندى قاڭتار وقيعاسىنان كەيىن سەرىك كۇدەبايەۆقا «اۋىر زارداپتارعا اكەپ سوقتىرعان قىزمەتتەگى ارەكەتسىزدىك» دەگەن ايىپ تاعىلىپ، ءىس قوزعالعان ەدى. سەرىك كۇدەبايەۆ الماتى وبلىسىنىڭ كومەندانتى بولا تۇرا، قىزمەتتىك مىندەتىن تاستاپ، قاراسىن باتىرعان.

سول كەزدە الماتى وبلىسىنىڭ ەكس-اكىمى قانات بوزىمبايەۆ 5 قاڭتارداعى وبلىستىق شتاب وتىرىسىندا كومەندانتتىڭ بارلىق وكىلەتتىگى گەنەرالعا بەرىلگەن ايتقان-دى. ءبىراق سول كۇنى سەرىك مىرزاقۇل ۇلى كەزەكشىلىك پۋنكتىنەن 300 شاقىرىم جەردەگى تۋعان اۋىلىنا تارتىپ وتىرعان.

ال 2023 جىلدىڭ قاڭتارىندا سەرىك كۇدەبايەۆقا قارسى سوت ءىسى باستالعان بولاتىن. ءدال وسى كۇنى ق ر پارلامەنتى ماجىلىسىندە قاڭتار وقيعاسى تۋرالى فيلم كورسەتىلىپ، وندا الماتى وبلىسىنىڭ پوليسيا باستىعىنىڭ قارۋلى كۇزەتپەن بىرگە ءوزى كۇزەتۋى ءتيىس دەپارتامەنت عيماراتىنان شىعىپ كەتكەنى كورسەتىلدى.

https://dalanews.kz/news/88775-kudebaev-10-zhylga-sottaldy

https://dalanews.kz/del-qazir/88386-kudebaevtyng-qashuyna-qyrgyzdyng-robi