Buǵan deiin beiresmi aqparat kózderi Kúdebaevty Stambuldan arnaiy reispen ákeldi degen habar taratqan bolatyn.
Sot bolardyń aldynda elden qashyp ketken Serik Kúdebaev shekaradan taý arqyly ótti degen boljam aitylǵan edi. Bul týraly QR UQK Shekara qyzmetiniń basshysy Erlan Aldajumanov málimdegen.
Qandy qańtar oqiǵasynan keiin Serik Kúdebaevqa «aýyr zardaptarǵa ákep soqtyrǵan qyzmettegi áreketsizdik» degen aiyp taǵylyp, is qozǵalǵan edi. Serik Kúdebaev Almaty oblysynyń komendanty bola tura, qyzmettik mindetin tastap, qarasyn batyrǵan.
Sol kezde Almaty oblysynyń eks-ákimi Qanat Bozymbaev 5 qańtardaǵy oblystyq shtab otyrysynda komendanttyń barlyq ókilettigi generalǵa berilgen aitqan-dy. Biraq sol kúni Serik Myrzaqululy kezekshilik pýnktinen 300 shaqyrym jerdegi týǵan aýylyna tartyp otyrǵan.
Al 2023 jyldyń qańtarynda Serik Kúdebaevqa qarsy sot isi bastalǵan bolatyn. Dál osy kúni QR Parlamenti Májilisinde Qańtar oqiǵasy týraly film kórsetilip, onda Almaty oblysynyń politsiia bastyǵynyń qarýly kúzetpen birge ózi kúzetýi tiis departament ǵimaratynan shyǵyp ketkeni kórsetildi.
https://dalanews.kz/news/88775-kudebaev-10-zhylga-sottaldy
https://dalanews.kz/del-qazir/88386-kudebaevtyng-qashuyna-qyrgyzdyng-robi
