سەرٸك احمەتوۆتٸڭ سىبايلاسى راقىمشىلىققا ٸلٸكتٸ
«قاراعاندى قالاسى قازىبەك بي اۋدانىنىڭ پروباتسييا قىزمەتٸ ادامبەكوۆتٸ راقىمشىلىق ارقىلى بوساتۋ تۋرالى ٶتٸنٸش بٸلدٸردٸ. قازىبەك بي اۋداندىق سوتىنىڭ 2017 جىلدىڭ 30 قاڭتارىنداعى قاۋلىسىنا سەيكەس, ٶتٸنٸش قاناعاتتاندىرىلدى. «قازاقستان رەسپۋبليكاسى تەۋەلسٸزدٸگٸنٸڭ 25 جىلدىعىنا بايلانىستى راقىمشىلىق جاساۋ تۋرالى» زاڭعا سەيكەس, ادامبەكوۆ شارتتى تٷردە ەكٸ جىل باس بوستاندىعىنان ايىرۋ جازاسىنان بوساتىلدى», – دەپ حابارلادى اۋداندىق سوتتىڭ كەڭسەسٸنەن.
سوتتىڭ قاۋلىسى ەلٸ زاڭدى كٷشٸنە ەنگەن جوق, سوندىقتان, اپەللياتسييالىق ساتىدا بۇل شەشٸمگە قاتىستى شاعىم تٷسۋٸ مٷمكٸن. ەستەرٸڭٸزگە سالا كەتەيٸك, قاراعاندى قالاسى ەكٸمٸنٸڭ بۇرىنعى ورىنباسارى ادامبەكوۆ ەۋەل باستا قىزمەتٸن اسىرا پايدالاندى دەپ ايىپتالعان بولاتىن. كەيٸن مەملەكەتتٸك ايىپتاۋشى ونىڭ ٸسٸن «زاڭدى كەسٸپكەرلٸك قىزمەتكە كەدەرگٸ جاساۋ» ٸسٸنە اۋىستىرعان بولاتىن. قاراعاندى وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ 2015 جىلعى 11 جەلتوقسانداعى ٷكٸمٸمەن مۇحتار ابامبەكوۆ شارتتى تٷردە ەكٸ جىلعا باس بوستاندىعىنان ايىرىلعان بولاتىن.
بۇدان بۇرىن حابارلاعانىمىزداي, سىبايلاس جەمقورلىق ٷشٸن 8 جىلعا سوتتالعان بۇرىنعى پرەمەر-مينيستر سەرٸك احمەتوۆ تە راقىمشىلىققا ٸلٸنٸپ, مەرزٸمٸ قىسقارتىلعان بولاتىن
