Serik Ahmetovtiń sybailasy raqymshylyqqa ilikti
«Qaraǵandy qalasy Qazybek bi aýdanynyń probatsiia qyzmeti Adambekovti raqymshylyq arqyly bosatý týraly ótinish bildirdi. Qazybek bi aýdandyq sotynyń 2017 jyldyń 30 qańtaryndaǵy qaýlysyna sáikes, ótinish qanaǵattandyryldy. «Qazaqstan Respýblikasy Táýelsizdiginiń 25 jyldyǵyna bailanysty raqymshylyq jasaý týraly» zańǵa sáikes, Adambekov shartty túrde eki jyl bas bostandyǵynan aiyrý jazasynan bosatyldy», – dep habarlady aýdandyq sottyń keńsesinen.
Sottyń qaýlysy áli zańdy kúshine engen joq, sondyqtan, apelliatsiialyq satyda bul sheshimge qatysty shaǵym túsýi múmkin. Esterińizge sala keteiik, Qaraǵandy qalasy ákiminiń burynǵy orynbasary Adambekov áýel basta qyzmetin asyra paidalandy dep aiyptalǵan bolatyn. Keiin memlekettik aiyptaýshy onyń isin «Zańdy kásipkerlik qyzmetke kedergi jasaý» isine aýystyrǵan bolatyn. Qaraǵandy oblysynyń qylmystyq ister jónindegi mamandandyrylǵan aýdanaralyq sotynyń 2015 jylǵy 11 jeltoqsandaǵy úkimimen Muhtar Abambekov shartty túrde eki jylǵa bas bostandyǵynan aiyrylǵan bolatyn.
Budan buryn habarlaǵanymyzdai, sybailas jemqorlyq úshin 8 jylǵa sottalǵan burynǵy Premer-Ministr Serik Ahmetov te raqymshylyqqa ilinip, merzimi qysqartylǵan bolatyn
