نەكە اگەنتتىگى عيماراتىنىڭ الدىنا 30-دان استام ادام جينالعان. ولاردىڭ قاتارىندا قازاق قىزدارىن قىيتايلىقتارعا كۇيەۋگە بەرۋگە قارسىلىق بىلدىرگەن بەلسەندىلەر، قۇقىق قورعاۋ ورگاندارىنىڭ وكىلدەرى، تىلشىلەر جانە اتالعان اگەنتتىكتىڭ ديرەكتورى بار.
اگەنتتىك ديرەكتورى ەشكىمگە قىز بەرگەلى جاتقان جوق ەكەنىن ايتىپ اقتالۋدا. ول جينالعان جۇرتقا ماسەلەنىڭ ءمان-جايىن تۇسىندىرگەندەي بولدى.
"ءبىز قىز ساتۋمەن اينالىسپايمىز. ءبىز وتباسىن قۇرۋعا كومەكتەسەمىز، بىزگە قىزدار مەن ايەلدەر كۇيەۋ تاۋىپ بەر دەپ جالىنىپ كەلەدى. جاستارى كەلگەن، ولارعا بالا تابۋ كەرەك. ەندى وسىنداي قازاقتىڭ جىگىتتەرى قايدا؟ كەلىڭىزدەر، تىركەلىڭىزدەر بىزگە، وتباسىن قۇرىڭىزدار! ايەلدەر امال جوق، كۇيەۋدى شەتەلدەن ىزدەپ جاتىر. ءبىز جۇرتقا توقال نەمەسە جەزوكشە تاۋىپ بەرەتىن كومپانيا ەمەسپىز. بىزگە تىركەلگىسى كەلەتىن ەر ازاماتتار اجىراسقاندىعى تۋرالى كۋالىگىن كورسەتۋگە مىندەتتى، سوندا عانا تىركەيمىز"، - دەيدى اگەنتتىكتىڭ ديرەكتورى تاتيانا لوگۆينەنكو.
ال، بەلسەندىلەر بولسا قازاق قىزدارىن قانداي جاعداي بولماسىن قىتايلىقتارعا بەرۋگە بولمايتىنىن ەسكەرتتى.
"ءبىز قازاق قىزدارىن ساتۋعا قارسىمىز. الدىمەن 20 ەر ازاماتى كەلەر، ونىڭ ارتىنان ءبىراق تاعى 20 مىڭى كەلەدى. ءسىز ءبىزدىڭ ءداستۇرىمىزدى دە، ءتىلىمىزدى دە بىلمەيسىز. 40 جىلدان بەرى قازاقستاندا تۇرىپ كەلەسىز، ءبىراق قازاقتاردىڭ داستۇرىنەن مۇلدەم بەيحابارسىز"، - دەپ ايىپتادى بەلسەندى ساۋلە سەيدالينا اگەنتتىكتىڭ ديرەكتورىن.
"مەيلى، كۇيەۋگە شىعا بەرسىن، باقىتتى بولسىن! ءبىراق، ولاردى ازاماتتىعىنان ايىرۋىمىز قاجەت، ءوز كۇيەۋلەرى قاي ەلدەن سول ەلدىڭ ازاماتتىعىن قابىلداۋى كەرەك"، - دەيدى ايدىن ايىمبەتوۆ.
جيىن سوڭى ايقاي-شۋعا ۇلاستى. قوس تاراپ ءبىرىن-بىرى كىنالاپ الەك. بەلسەندىلەر اگەنتتىك ديرەكتورىن قازاق سالتى مەن ءتىلىن بىلمەيدى دەپ ايىپتاسا، ت.لوگۆينەنكو جينالعانداردى ناسيست دەپ قارالادى.
