پارلامەنت سەناتىندا ٶتكەن “ازىق-تٷلٸك قاۋٸپسٸزدٸگٸ – ۇلتتىق قاۋٸپسٸزدٸكتٸڭ نەگٸزگٸ قۇرامداس بٶلٸگٸ” تاقىرىبىنا ارنالعان پارلامەنتتٸك تىڭداۋدا سەناتور امانگەلدٸ تٶلەمٸسوۆ مەكتەپتەردەگٸ تاماقتانۋ مەسەلەسٸنە توقتالدى, دەپ حابارلايدى Dalanews.kz.
سەناتوردىڭ ايتۋىنشا, باستاۋىش سىنىپ وقۋشىلارى مەن از قامتىلعان وتباسىلاردىڭ بالالارىنا تەگٸن تاماق بەرٸلگەنٸمەن, مەكتەپتەردەگٸ تاماق ساپاسى الاڭداۋشىلىق تۋدىرىپ وتىر. اتاپ ايتقاندا, ازىق-تٷلٸكتٸڭ ساپاسى, تاماق دايىنداۋ دەڭگەيٸ جەنە مەزٸردٸڭ ەرتەكتٸلٸگٸ تالاپقا ساي ەمەس. سونىمەن قاتار باقىلاۋدىڭ جەتكٸلٸكسٸزدٸگٸ وقۋشىلار اراسىندا تٷرلٸ اۋرۋدىڭ تارالۋ قاۋپٸن ارتتىرىپ, تٸپتٸ ۋلانۋ جاعدايلارى دا كەزدەسٸپ جاتىر.
“بيىل مەكتەپتە تەگٸن تاماقتانعان 578 بالا ۋلاندى. بۇل ٶتكەن جىلمەن سالىستىرعاندا تٶرت ەسە كٶپ. وسىعان بايلانىستى قانداي شارالار قابىلدانىپ جاتىر?” – دەپ ساۋال جولدادى سەناتور.
بۇل سۇراققا دەنساۋلىق ساقتاۋ بٸرٸنشٸ ۆيتسە-مينيسترٸ تيمۋر سۇلتانعازيەۆ جاۋاپ بەردٸ.
ونىڭ ايتۋىنشا, بيىل ۋلانۋ وقيعالارىنا قاتىستى پرەمەر-مينيستردٸڭ تاپسىرماسىمەن دەنساۋلىق ساقتاۋ جەنە وقۋ-اعارتۋ مينيسترلٸكتەرٸ جەرگٸلٸكتٸ بيلٸكپەن بٸرلەسە وتىرىپ بارلىق مەكتەپتە مونيتورينگ جٷرگٸزگەن.
تەكسەرۋ نەتيجەسٸندە مەكتەپتەردٸڭ 12%-ىندا, ياعني 840 مەكەمەدە تٷرلٸ زاڭبۇزۋشىلىق انىقتالعان. 24 لاۋازىمدى تۇلعا ەكٸمشٸلٸك جاۋاپكەرشٸلٸككە تارتىلىپ, 6 ٸس بويىنشا ماتەريالدار پروكۋراتۋراعا جولدانعان. الايدا كەسٸپكەرلٸك كودەكسٸنە سەيكەس تەكسەرۋ الدىن الا ەسكەرتۋ ارقىلى عانا جٷرگٸزٸلەدٸ, بۇل كەيبٸر زاڭبۇزۋشىلىقتاردى انىقتاۋعا كەدەرگٸ كەلتٸرۋدە.
ۆيتسە-مينيستر جاڭا ەدٸستەردٸ ۇسىناتىنىن ايتتى. بٸرٸنشٸدەن, بالالار مەكەمەلەرٸن ەرەكشە باقىلاۋعا الىناتىن نىساندار قاتارىنا ەنگٸزۋ قاجەت. ەكٸنشٸدەن, مەكتەپتەردٸ ەسكەرتۋسٸز تەكسەرۋگە مٷمكٸندٸك بەرۋ كەرەك. سونىمەن قاتار, يۋنيسەف جەنە دٷنيەجٷزٸلٸك دەنساۋلىق ساقتاۋ ۇيىمىمەن بٸرلەسە وتىرىپ, بالالاردىڭ تاماقتانۋ ستاندارتتارىن قايتا قاراۋ جۇمىستارى باستالعان. وسى جىلدىڭ سوڭىنا دەيٸن مەكتەپتەردەگٸ جاڭا مەزٸر بەكٸتٸلەدٸ دەپ جوسپارلانۋدا.
سۇلتانعازيەۆ بۇل باستامالاردى جٷزەگە اسىرۋ ٷشٸن دەپۋتاتتاردىڭ قولداۋ قاجەت ەكەنٸن اتاپ ٶتتٸ.
