17 قىركۇيەكتە پارلامەنت سەناتى ءتوراعاسىنىڭ ورىنباسارى، ز.ع.د.، پروفەسسور ءابدىروۆ نۇرلان ءماجىت ۇلى قازاقستان رەسپۋبليكاسى ءىىم ماقان ەسبولاتوۆ ات. الماتى اكادەمياسىندا وتكەن، قازاقستان رەسپۋبليكاسىنىڭ ەڭبەك سىڭىرگەن عىلىم جانە تەحنيكا قايراتكەرى، ق ر جعقا اكادەميگى، زاڭ عىلىمدارىنىڭ دوكتورى، پروفەسسور ەلەگەن ىزتىلەۋ ۇلى قايىرجانوۆتىڭ مەموريالدىق تاقتاسىنىڭ اشىلۋ سالتاناتىنا قاتىستى.

سونىمەن قاتار، نۇرلان ءابدىروۆ الماتى اكادەمياسىنىڭ عىلىمي كەڭەسىنىڭ كەڭەيتىلگەن وتىرىسىنا قاتىستى، وندا جوعارى وقۋ ورىننىڭ باستىعى - پوليسيا پولكوۆنيگى ايدار سايتبەكوۆ اكادەميانىڭ دامۋىنىڭ ستراتەگيالىق ۆەكتورى، يننوۆاسيالىق ادىستەر مەن زاماناۋي تەندەنسيالاردىڭ وقۋ ۇردىسىنە ەنگىزىلۋى تۋرالى ايتتى.

نۇرلان ءماجىت ۇلى ءابدىروۆ الماتى اكادەمياسىنىڭ قىزمەتىن جوعارى باعالاپ، پوليسيا قىزمەتكەرلەرىن وقۋ ءۇردىسىنىڭ قۇرامداس بولىگى رەتىندە تەرەڭ عىلىمي دايارلاۋ قاجەتتىلىگىنە ەرەكشە نازار اۋداردى.