قارجى مونيتورينگى اگەنتتىگى (قما) بلوگەرلەرگە ليسەنزيا بەرۋ نەمەسە ولار ءۇشىن جەكە رەەستر قالىپتاستىرۋدى قاجەت دەپ ەسەپتەمەيدى. ۆەدومستۆونىڭ مالىمدەۋىنشە، بلوگەرلەردىڭ قىزمەتى قولدانىستاعى زاڭناما اياسىندا رەتتەلىپ وتىر، دەپ حابارلايدى Dalanews.kz.
بۇل تۋرالى اگەنتتىك سەناتور گەنناديي شيپوۆسكيحتىڭ بلوگەرلەردىڭ قۇقىقتىق مارتەبەسى مەن ولاردىڭ جاۋاپكەرشىلىگىن ارتتىرۋ شارالارىنا قاتىستى دەپۋتاتتىق ساۋالىنا بەرگەن رەسمي جاۋابىندا حابارلادى.
قما قولدانىستاعى «ونلاين-پلاتفورمالار مەن ونلاين-رەكلاما تۋرالى» زاڭدا بلوگەر (ينفليۋەنسەر) ۇعىمى ناقتى ايقىندالعان جانە ولار كاسىپكەرلىك قىزمەتتى قازاقستان زاڭناماسىنا ساي جۇرگىزۋگە مىندەتتى ەكەنىن اتاپ ءوتتى.
مادەنيەت جانە اقپارات مينيسترلىگىنىڭ ۇستانىمى
مينيسترلىكتىڭ پىكىرىنشە، بلوگەرلەرگە قوسىمشا ليسەنزيا بەرۋ نەمەسە جەكە ءتىزىم جاساۋ «ارتىق اكىمشىلىك كەدەرگىلەر تۋعىزىپ، ءبىرقاتار جاعىمسىز سالدارعا اكەلۋى مۇمكىن».
مينيسترلىك اتاپ كورسەتكەن نەگىزگى قاۋىپتەر مىنالار:
- ءسوز بوستاندىعىن شەكتەۋ جانە ازاماتتاردىڭ پىكىرىن ەركىن ءبىلدىرۋ جونىندەگى كونستيتۋسيالىق قۇقىعىن جۇزەگە اسىرۋعا توسقاۋىل قويۋ؛
- جارناما، بۇقارالىق اقپارات قۇرالدارى مەن ونلاين-پلاتفورمالار سالاسىندا جاۋاپكەرشىلىك شارالارىنىڭ ءقازىردىڭ وزىندە بار بولۋىنا بايلانىستى رەتتەۋدىڭ قايتالانۋى.
