شىعىستا كۇن جىلىعالى بەرى سۋ تاسقىنىنىڭ ءقاۋىپى ارتىپ تۇرعانى جاسىرىن ەمەس. سەمەي قالاسىنداعى ەرتىس وزەنىنىڭ بويىنا تاياۋ ماڭدا ورنالاسقان اۋدانداردى ماماندار باقىلاۋعا العان. قالانىڭ توتەنشە جاعدايلار قىزمەتى «پولكوۆنيچيي» ارالى مەن «ميرنىي»، «ۆوستوچنىي» كوشەلەرىندەگى ۇيلەردى تاسقىن سۋدان قورعاۋعا بارىن سالۋدا.  



مامانداردىڭ ايتۋىنشا، ەرتىس وزەنىندەگى سۋدىڭ دەڭگەيى 506 سم كوتەرىلگەن. ەگەر سۋ دەڭگەيى 450 سم اسسا ءقاۋىپتى جاعداي بولىپ سانالاتىنى بەلگىگىلى. وسىنى نازارعا العان قۇتقارۋشىلار «پولكوۆنيچيي» ارالىنىن مەكەندەيتىن 103 ادامدى بۇگىندە ءقاۋىپسىز جەرگە كوشىرىپ ۇلگەردى. ولاردىڭ 25 بالا ەكەنىن ايتا كەتۋىمىز كەرەك.

ۇيلەرىنەن ۋاقىتشا كوشىرىلگەن تۇرعىنداردى قالاداعى ەكى قوناق ۇيگە ورنالاستىرىپ، ءۇش مەزگىل اس-سۋىن بەرىلۋدە. سونىمەن قاتار قالانىڭ توتەنشە جاعدايلار قىزمەتى سۋ تاسقىنىنىڭ زاردابىن بارىنشا تومەندەتۋ ءۇشىن كۇنى-تۇنى دەمەي جۇمىس ىستەپ جاتىر.

وسىلايشا سەمەي قالاسىنىڭ اكىمى ەرماك ءسالىموۆ باستاعان شاھاردىڭ ازاماتتىق قورعانىس قىزمەتىنىڭ قىزمەتكەرلەرى تاسقىن سۋدىڭ الدىن الۋعا بار كۇش-جىگەرلەرىن جۇمساۋدا. قۇتاقرۋشىلار 16 تەحنيكانىڭ كومەگىمەن «پولكوۆنيچيي» ارالىن سۋعا بەرمەۋدىڭ قامىن جاساعانىن ايتا كەتۋىمىز كەرەك.

تاسقىن سۋدىڭ ەتەككە تەز اعىپ كەتۋى ءۇشىن وزەن بەتىندەگى مۇزداردى جارۋ جۇمىستارىنا «ۆوستوكۆزرىۆپروم» مەكەمەسىنىڭ قىزمەتكەرلەرى دە تارتىلعان.