بٷگٸن سەمەيدە وبلىستىق سوتتىڭ جاڭا عيماراتى پايدالانۋعا بەرٸلدٸ. اشىلۋ سالتاناتىنا وبلىس ەكٸمٸ بەرٸك ۋەلي, قر جوعارعى سوتىنىڭ ەكٸمشٸلٸك ٸستەر القاسىنىڭ تٶراعاسى اسلان تۋكيەۆ, قر سوت ەكٸمشٸلٸگٸ باسشىسىنىڭ بٸرٸنشٸ ورىنباسارى شەكٸر شاياحمەتوۆ, ٶڭٸردٸڭ سوت جٷيەسٸنٸڭ ارداگەرلەرٸ مەن قىزمەتكەرلەرٸ قاتىستى, - دەپ حابارلايدى Dalanews.kz
سوتتىڭ جاڭا عيماراتى تٶرت قاباتتى. جالپى اۋماعى 7910 شارشى مەتردٸ قۇرايدى. نىساندا 9 سوت زالى, 78 قىزمەتتٸك كابينەت, مەدياتور, ادۆوكات, پروكۋرور, ومبۋدسمەنگە ارنالعان بٶلمەلەر بار. زاماناۋي فرونت-وفيس, باسپاسٶز ورتالىعى, مۇراجاي, اكت زالى, پسيحولوگييالىق كٶمەك بٶلمەسٸ كەلۋشٸلەرگە قولايلى جاعداي جاساۋعا باعىتتالعان.
سوت وتىرىسى زالدارى اۋديو-بەينەجازبا جٷيەسٸمەن, قاۋٸپسٸزدٸك جەنە بەينەباقىلاۋ تەحنولوگييالارىمەن تولىق جاراقتالعان. جاڭا عيماراتتا 17 سۋديا مەن 45 ەكٸمشٸلٸك قىزمەتكەر جۇمىس ٸستەيتٸن بولادى.
قر جوعارعى سوتىنىڭ ەكٸمشٸلٸك ٸستەر القاسىنىڭ تٶراعاسى اسلان تۋكيەۆ جاڭا عيمارات مەملەكەت باسشىسىنىڭ تاپسىرماسىمەن سالىنعانىن, بۇل سوت تٶرەلٸگٸن ساپالى جٷزەگە اسىرۋ جولىنداعى ماڭىزدى قادام ەكەنٸن ايتتى.
نىساننىڭ اشىلۋىندا قۇتتىقتاۋ سٶز سٶيلەگەن ايماق باسشىسى وبلىس قۇرىلعاننان بەرٸ سەمەيدە سالىنعان العاشقى ەڭسەلٸ, جاڭا عيمارات ەكەنٸن اتاپ ٶتتٸ.
«بۇل – تەك جاڭا نىسان عانا ەمەس, حالىقتىڭ ەدٸلدٸككە, زاڭعا جەنە تەڭدٸككە دەگەن سەنٸمٸنٸڭ نىشانى. پرەزيدەنتٸمٸز قاسىم-جومارت كەمەلۇلى توقاەۆ سوت جٷيەسٸن جەتٸلدٸرۋدٸ, ونىڭ ەدٸل ەرٸ قولجەتٸمدٸ بولۋىن ەرقاشان باستى نازاردا ۇستاپ كەلەدٸ. «ەدٸلەتتٸ قازاقستان» يدەياسىنىڭ ٶزەگٸ دە – وسى. سوندىقتان بۇل جاڭا عيمارات ازاماتتاردىڭ قۇقىعى قورعالاتىن, داۋلارى ەدٸل شەشٸم تاباتىن, زاڭ ٷستەمدٸك قۇراتىن قاسيەتتٸ ورىنعا اينالۋى تيٸس. اباي وبلىستىق سوتىنىڭ ۇجىمى بۇل عيماراتتا وسى مٸندەتتٸ ابىرويمەن اتقارادى دەپ سەنەمٸز. زاڭ مەن تەرتٸپتٸڭ, ەدٸلدٸكتٸڭ جولىندا تاباندىلىقپەن ەڭبەك ەتٸپ, ەلٸمٸزدٸڭ سوت جٷيەسٸنٸڭ دامۋىنا سٷبەلٸ ٷلەس قوسارىنا كٷمەن جوق», - دەدٸ وبلىس ەكٸمٸ.
