تەۋەلسٸزدٸك كٷنٸ قارساڭىندا اباي وبلىسى ەكٸمٸنٸڭ قولداۋىمەن, ٸشكٸ ساياسات باسقارماسىنىڭ ۇيىمداستىرۋىمەن جازۋشى, «قۇرمەت» وردەنٸنٸڭ يەگەرٸ, تٶلەگەن ايبەرگەنوۆ اتىنداعى سىيلىقتىڭ لاۋرەاتى ۇلاربەك دەلەيۇلىنىڭ «جوشى حان» جەنە «باتۋ حان» اتتى تاريحي روماندارىنىڭ تۇساۋكەسەرٸ ٶتتٸ.
رۋحاني ٸس-شاراعا ٶڭٸردٸڭ زييالى قاۋىم ٶكٸلدەرٸ, عالىمدار, قالامگەرلەر, تاريحشىلار, جوعارى وقۋ ورىندارىنىڭ وقىتۋشىلارى مەن تاريح ماماندىعى بويىنشا بٸلٸم الىپ جاتقان ستۋدەنتتەر قاتىستى.
تۇساۋكەسەر رەسٸمٸن اباي وبلىسى ٸشكٸ ساياسات باسقارماسىنىڭ باسشىسى جارقىن جۇمادٸلوۆ جٷرگٸزدٸ.
– مەملەكەت باسشىسىنىڭ جارلىعىمەن قابىلدانعان ٸشكٸ ساياساتتىڭ نەگٸزگٸ قاعيداتتارىن, قۇندىلىقتارى مەن باعىتتارىن بٸر جٷيەگە كەلتٸرگەن تۇجىرىمدامالىق قۇجاتتا: «قازاقستاندىق پاتريوتيزم مەملەكەتكە, ونىڭ رەمٸزدەرٸ مەن ۇلتتىق مەدەنيەتٸنە قۇرمەتپەن قاراۋ, ەلٸمٸزدٸڭ تاريحي جەنە رۋحاني قۇندىلىقتارىن قادٸرلەۋ, وتانىمىزدىڭ بٷگٸنٸ مەن بولاشاعىنا جاۋاپكەرشٸلٸكپەن قاراۋ دەگەن ماعىنانى بٸلدٸرەدٸ», – دەپ جازىلعان. تەۋەلسٸزدٸك مەرەكەسٸ قارساڭىندا ەل تاريحىنىڭ ەڭ كٷردەلٸ ەرٸ تاعدىرلى كەزەڭدەرٸن ارقاۋ ەتكەن جوشى حان مەن باتۋ حان تۋرالى رومانداردىڭ تانىستىرىلۋى – ۇلتتىق رۋحتى نىعايتۋعا باعىتتالعان ماڭىزدى قادام. بۇل قوس كٸتاپتى تاريحي سانانى جاڭعىرتۋ جولىنداعى باعا جەتپەس رۋحاني قازىنا دەۋگە بولادى. اتالعان تۋىندىلار تاريحي تۇلعالاردى كٶركەمدٸك پەن دەرەكتٸلٸك تۇرعىسىنان جاڭاشا پايىمداۋعا مٷمكٸندٸك بەرەدٸ, – دەدٸ باسقارما باسشىسى.
ٶز كەزەگٸندە تاريحي رومانداردىڭ اۆتورى ۇلاربەك دەلەيۇلى شىعارمالاردىڭ جازىلۋ ماقساتى مەن يدەيالىق ماڭىزىنا كەڭٸنەن توقتالدى.
– اباي ەلٸنە كەلۋ – مەن ٷشٸن ٷلكەن مەرتەبە. تەۋەلسٸزدٸك مەرەكەسٸ قارساڭىندا وسىنداي قاسيەتتٸ ٶڭٸردە وقىرماندارمەن جٷزدەسۋ – زور جاۋاپكەرشٸلٸك. بۇل كٸتاپتار بەلگٸلٸ بٸر ماقساتپەن, تاريحقا دەگەن تەرەڭ قۇرمەتتەن تۋعان ەڭبەكتەر. رومانداردا جوشى حاننان كەيٸن بيلٸككە كەلگەن باتۋ حاننىڭ جاستىق شاعى, شىڭعىس قاعاننان باتا العان سەتٸ, العاشقى جورىقتارى مەن كٷردەلٸ تاريحي تارتىستارعا تولى كەزەڭٸ كٶركەم ەرٸ دەرەكتٸ نەگٸزدە سۋرەتتەلەدٸ. ەڭبەك كەڭ وقىرمان اۋديتوريياسىنا ارنالعان. العاشقى تيراجى 2 000 دانا بولىپ جارىق كٶرٸپ, بٷگٸندە وقىرماندار تاراپىنان جوعارى سۇرانىسقا يە بولىپ وتىر, – دەدٸ اۆتور.
تۇساۋكەسەر بارىسىندا سٶز العان زييالى قاۋىم ٶكٸلدەرٸ جاڭا تۋىندىلارعا جوعارى باعا بەرٸپ, كٸتاپتاردىڭ ۇلتتىق رۋحتى كٷشەيتۋدەگٸ, جاس ۇرپاقتىڭ تاريحي سانا-سەزٸمٸن قالىپتاستىرۋداعى ماڭىزىن اتاپ ٶتتٸ. قاتىسۋشىلار اۆتورعا سۇراقتار قويىپ, شىعارمالاردىڭ جازىلۋ تاريحى تٶڭٸرەگٸندە پٸكٸر الماستى.
ٸس-شارا سوڭىندا مەرتەبەلٸ مەيمان ۇلاربەك دەلەيۇلىنا اباي وبلىسى ەكٸمٸنٸڭ العىس حاتى تابىستالىپ, قازاقتىڭ دەستٷرٸنە ساي يىعىنا شاپان جابىلدى.
