سەمەيدە وقۋشى 15 رەت پىشاق جاراقاتىن العان, ونىڭ جاعدايى اۋىر, دەپ حابارلايدى dalanews.kz.
"كتك" تەلەارناسى مەلٸمەتٸنشە, 13 جاستاعى ەكٸ سىنىپتاس بٸر-بٸرٸن پىشاقتاپ تاستاعان. قازٸر بٸرەۋٸ ٷيٸندە ەمدەلٸپ جاتسا, ەندٸ بٸرٸ جانساقتاۋ بٶلٸمٸنەن شىعارىلعان. 13 جاستاعى ەكٸ وقۋشى كٷرەسكە بٸرگە قاتىسقان, دوس تا بولعان.
اباي وبلىسىنىڭ پوليتسييا دەپارتامەنتٸ 10 قىركٷيەكتە دەنە جاراقاتتارىمەن ەكٸ ادام اۋرۋحاناعا جاتقىزىلعانى تۋرالى حابارلاما تٷسكەنٸن مەلٸمدەدٸ.
بۇل دەرەك بويىنشا سوتقا دەيٸنگٸ تەرگەۋ باستالىپ, وقيعانىڭ بارلىق مەن-جايى انىقتالىپ جاتىر.
"تەرگەۋ قورىتىندىسى بويىنشا كەمەلەتكە تولماعانداردى پروفيلاكتيكالىق ەسەپكە قويۋ, سونداي-اق, ولاردىڭ زاڭدى ٶكٸلدەرٸن جاۋاپكەرشٸلٸككە تارتۋ مەسەلەسٸ قارالادى. تٷپكٸلٸكتٸ شەشٸم تەرگەۋ نەتيجەسٸنە قاراي قابىلدانادى", - دەدٸ پوليتسييا.
