سەمەي قالاسىندا بۇرىنعى ەيەلٸن اياۋسىز ٶلتٸرگەن 51 جاستاعى ەر ادامعا قاتىستى سوت ٷكٸمٸ شىقتى, دەپ حابارلايدى dalanews.kz.
ٸس ماتەريالدارىنا سەيكەس, بيىل سەۋٸر ايىندا ماس كٷيدە بولعان ەر ادام قىزعانىشتان بۇرىنعى جۇبايىنا شابۋىل جاساعان. قايعىلى وقيعا ەيەلدٸڭ بالالارىمەن بٸرگە تۇرىپ جاتقان ٷيٸنٸڭ اۋلاسىندا بولعان. ايىپتالۋشى جەبٸرلەنۋشٸنٸ اعاش بەيسبول تاياعىمەن 27 رەت ۇرىپ, اۋىر جاراقات سالعان. ەيەل وقيعا ورنىندا كٶز جۇمدى.
مارقۇمنىڭ تۋىستارىنىڭ ايتۋىنشا, ەر ادام ۇزاق ۋاقىت بويى ەيەلٸنە قىسىم كٶرسەتٸپ كەلگەن. تٸپتٸ اجىراسقاننان كەيٸن دە قىزعانىش تانىتىپ, جانجال شىعارۋدى توقتاتپاعان.
سوتتالۋشى سوت بارىسىندا ٶز كٸنەسٸن تولىق مويىنداپ, جاساعان ٸسٸنە ٶكٸنەتٸنٸن ايتتى.
سوت شەشٸمٸمەن ول كٸنەلٸ دەپ تانىلىپ, 12 جىل مەرزٸمگە باس بوستاندىعىنان ايىرىلدى. سونىمەن قاتار سوت مارقۇمنىڭ اعاسىنا مورالدىق شىعىن رەتٸندە 10 ميلليون تەڭگە ٶتەماقى تٶلەۋدٸ مٸندەتتەدٸ.
تۋىستارى شىعارىلعان ٷكٸممەن كەلٸسەتٸندەرٸن مەلٸمدەدٸ. قازٸر وتباسى اناسىز قالعان ەكٸ كەمەلەتكە تولماعان بالانىڭ قامقورلىعى مەسەلەسٸن شەشۋمەن اينالىسىپ جاتىر.
