كوروناۆيرۋس پاندەمياسىنا بايلانىستى جۋرناليستەردىڭ كاسىبي مەرەكەسى كۇنىنە وراي بەرىلەتىن ماراپات كەيىنگە شەگەرىلگەن ەدى.
ءبىراق باسشىلار رەتىن تاۋىپ، قالام يەلەرىن "يگىلىكتىڭ ەرتە كەشى" بولمايدى دەپ، ءبىر توپ جۋرناليستەرگە اتقارعان جۇمىستارىنا ريزاشىلىقتارىن ءبىلدىرىپ، قۇرمەت كورسەتتى.
55 جىلدىق تاريحى بار "Semei” تەلەارناسىنىڭ ۇجىمىنا وبلىس اكىمىنىڭ العىس حاتى ارنانىڭ ديرەتكورى حاسەن مولدابايەۆقا تابىس ەتىلسە، ارنانىڭ رەداكتورى گۇلناز كاۋكەن ءوڭىر جۋرناليستيكاسىن دامىتۋعا قوسقان ۇلەسى ءۇشىن "ءبىز بىرگەمىز" اتالىمى بويىنشا ۇزدىك دەپ تانىلىپ ديپلوممەن، ب ا ق سالاسىنداعى كوپ جىلعى جەمىستى ەڭبەگى ءۇشىن تەلەارنا ديرەكتورىنىڭ ورىنباسارى بەكتۇرسىن زيكيبايەۆ ارنايى ديپلوممەن ماراپاتتالدى.
سونداي-اق تەلەارنانىڭ ءجۋرناليسى مارجان نۇرىشيەۆاعا ق ر پرەزيدەنتىنىڭ گرانتى شقو اكىمىنىڭ ورىنباسارى الىشەر مارحابات تابىس ەتتى.
ال “Semei” تەلەارناسىنىڭ ءجۋرناليسى قۋانىش راحمەتوللا ۇلى ب ا ق سالاسىن دامىتۋعا قوسقان ۇلەسى ءۇشىن قاسىم-جومارت توقايەۆتىڭ العىس حاتى بەرىلدى.
دۋمان بىقاي
