“قازگيدرومەت” رمك الماتى تاۋلارىندا سەل ءقاۋپى جوعارى دەپ جاريالادى، دەپ حابارلايدى Dalanews.kz.
ولاردىڭ مالىمەتىنشە، 31 شىلدە-1 تامىز ارالىعىندا الماتىدا جانە وعان ىرگەلەس تاۋلى جەرلەردە قاتتى جاڭبىردىڭ بولجانۋىنا بايلانىستى بەتكەيلىك اعىننىڭ قالىپتاسۋى جانە وزەندەردە سۋ دەڭگەيىنىڭ كوتەرىلۋى كۇتىلەدى. سونىمەن قاتار ايماقتا سۋدىڭ جايىلۋى مەن سۋ باسۋ ءقاۋپى تۋىنداۋى مۇمكىن.
تاۋ وزەندەرى بويىنشا گيدرومەتەورولوگيالىق اقپاراتقا سايكەس، ىلە الاتاۋىندا قاتتى جاۋىن-شاشىننىڭ بولجانۋىنا بايلانىستى سەل ءقاۋپىنىڭ "قىزعىلت سارى دەڭگەيى" جاريالاندى.
قازسەلدەنقورعاۋ بولىمشەلەرى سەل ءقاۋپى بار ۋچاسكەلەردە باقىلاۋدىڭ جەدەلدەتىلگەن رەجيمىنە اۋىستىرىلىپ، اەروۆيزۋالدى جانە جەرگىلىكتى باقىلاۋ جۇرگىزىپ جاتى. ينجەنەرلىك-تەحنيكالىق قىزمەتكەرلەردىڭ تاۋلىك بويى كەزەكشىلىگى ۇيىمداستىرىلدى.
ۆەدومستۆو وكىلدەرى جەكە تۇرعىن ۇيلەردىڭ يەلەرىنە جاڭبىر سۋىن جانە باسقا دا درەناجدىق جۇيەلەردى جاڭبىر سۋدىڭ اعىنىن بۇرۋعا دايىندىق شارالارىن قابىلداۋدى سۇرايدى.
ەگەر جاڭبىر جاۋعان كەزدە سىرتتا بولساڭىز اۋە ەلەكتر جەلىلەرىنىڭ تۇتاستىعىنا نازار اۋدارىپ، قۇرىلىسى سەنىمسىز قۇرىلىمداردىڭ استىندا تۇرماڭىز. ولاردىڭ وپىرىلىپ ءتۇسۋى اۋىر جاراقات الۋعا سوقتىرۋى مۇمكىن.
قۇرمەتتى تۋريستەر، الماتى قالاسىنىڭ تۇرعىندارى مەن قوناقتارى سەل تاسقىنىنا قالىپ قالعان جاعدايدا، قۇتقارىلۋعا مۇمكىندىك جوق. سەل تاسقىنى قاۋپىنە بايلانىستى ىلە-الاتاۋ تاۋلارىنا بارماۋدى سۇرايمىز”، – دەلىنگەن حابارلامادا.
