“Qazgidromet” RMK Almaty taýlarynda sel qaýpi joǵary dep jariialady, dep habarlaidy Dalanews.kz.
Olardyń málimetinshe, 31 shilde-1 tamyz aralyǵynda Almatyda jáne oǵan irgeles taýly jerlerde qatty jańbyrdyń boljanýyna bailanysty betkeilik aǵynnyń qalyptasýy jáne ózenderde sý deńgeiiniń kóterilýi kútiledi. Sonymen qatar aimaqta sýdyń jaiylýy men sý basý qaýpi týyndaýy múmkin.
Taý ózenderi boiynsha gidrometeorologiialyq aqparatqa sáikes, Ile Alataýynda qatty jaýyn-shashynnyń boljanýyna bailanysty sel qaýpiniń "qyzǵylt sary deńgeii" jariialandy.
Qazseldenqorǵaý bólimsheleri sel qaýpi bar ýchaskelerde baqylaýdyń jedeldetilgen rejimine aýystyrylyp, aerovizýaldy jáne jergilikti baqylaý júrgizip jaty. Injenerlik-tehnikalyq qyzmetkerlerdiń táýlik boiy kezekshiligi uiymdastyryldy.
Vedomstvo ókilderi jeke turǵyn úilerdiń ielerine jańbyr sýyn jáne basqa da drenajdyq júielerdi jańbyr sýdyń aǵynyn burýǵa daiyndyq sharalaryn qabyldaýdy suraidy.
Eger jańbyr jaýǵan kezde syrtta bolsańyz áýe elektr jelileriniń tutastyǵyna nazar aýdaryp, qurylysy senimsiz qurylymdardyń astynda turmańyz. Olardyń opyrylyp túsýi aýyr jaraqat alýǵa soqtyrýy múmkin.
Qurmetti týrister, Almaty qalasynyń turǵyndary men qonaqtary sel tasqynyna qalyp qalǵan jaǵdaida, qutqarylýǵa múmkindik joq. Sel tasqyny qaýpine bailanysty Ile-Alataý taýlaryna barmaýdy suraimyz”, – delingen habarlamada.
