سەكۋندىنا 240 مىڭ دوللار تاپقان
80-جىلداردىڭ باسىندا تايسوندى كٶككە كٶتەرٸپ, اۋىر سالماقتاعى قولعاپ شەبەرلەرٸ اراسىندا وعان تەڭ كەلەتٸن تۇلعا جوققا تەن دەپ كەلەتٸن پٸكٸرلەر ٷستەمدٸك قۇرعان ەدٸ. تٸپتٸ, ونىڭ قارسىلاسى بار بولعانى بٸرٸنشٸ راۋندقا عانا شىداس بەرەتٸن. وسىناۋ «جىن پەرٸ» سونداي توعىز جەڭٸسٸن نەبەرٸ بٸر مينۋتتا عانا قۇرىقتادى.
بٸر ايتا كەتەرلٸگٸ, ونىڭ كەزدەسۋٸنە اسىعاتىن جانكٷيەرلەر قۇماردان شىعا الماي قالاتىن. ەرينە, جٷز دوللارعا بيلەت الىپ, ول نەبەرٸ 30 سەكۋندقا عانا سوزىلسا ودان كٸمگە قىزىق? وسىنداي «قاس-قاعىم سەتٸ» وسىدان 30 جىل بۇرىن بولعان ەدٸ.
تەمٸر تايسون سول جولى اتاقتى اۋىر سالماقتاعى بوكسشى دجو فرەيزەردٸڭ ۇلى مارۆيس فرەيزەردٸ 30 سەكۋندتا ۇرىپ تٷسٸرگەن ەدٸ. بۇل كەزدە ونىڭ جاسى 20-دا, سالماعى 90,5 كگ. بولاتىن. ونىڭ كٷرزٸ سوققىسىنان 2 مەترلٸك الىپتار سۇلاپ تٷسٸپ جاتتى.
بۇدان كەيٸن ت.بەربيكبەكپەن بولعان جەكپە-جەك 40 سەكۋندقا سوزىلدى. وسىدان سوڭ جانكٷيەرلەر باياعى مۇحاممەد ەليدٸڭ ايىزىڭدى قاندىراتىن كەيدە ەدەۋٸر ۇزاققا سوزىلاتىن ٶنەرٸن ساعىناتىن, ەسكە الاتىن بولدى.
مۇنىڭ سىرتىندا تايسوننىڭ تابىسى دا باس اينالاتىنداي ەدٸ. قاس-قاعىم سەت, سەكۋندتىڭ ٸشٸندە مىڭداعان, ميلليونداعان دوللار ٶز-ٶزٸنەن قۇيىلىپ جاتتى. مەسەلەن, مايكل سپينكسپەن بولعان كەزدەسۋٸندە ول ٶزٸندٸك رەكوردتى جاڭارتتى. ول 91 سەكۋندقا سوزىلعان وسى جولعى بەسەكەدە ەلەم بوكسى تاريحىنداعى ەڭ جوعارى تابىس – 22 ميلليون دوللارعا قول جەتكٸزٸپ, دٷنيەنٸ دٷر سٸلكٸندٸردٸ.
دەمەك, مايك ەر سەكۋند سايىن 240 مىڭ دوللار تاپقان بولىپ شىعادى. ەرينە, تايسون دا پەندە, كەيبٸر كٶڭٸلٸ سوقپاعان سەتتەردە ۇپاي سانىمەن دە باسىم تٷستٸ, بٸراق, مۇنداي جاعداي ونىڭ ٶمٸرٸندە سيرەك كەزدەسەتٸن.
الايدا, تايسوننىڭ جۇلدىزدى كٷندەرٸ ۇزاققا بارمادى. 80-جىلداردىڭ سوڭىندا ول ٸشٸمدٸككە سالىنىپ, پوليتسييامەن ٸلٸنٸسٸپ قالىپ جٷردٸ. كەيبٸرەۋلەردٸ ۇرىپ كەتٸپ جٷردٸ, ەيەلٸمەن اجىراستى.
ال 1991 جىلى جازدا 18 جاستاعى «امەريكانىڭ قارا ارۋىن» زورلاعانى ٷشٸن تٷرمەگە تٷستٸ. تاعدىردىڭ وسى سوققىسىنان كەيٸن ەسٸن جيعان ول بوكسقا قايتا ورالعانىمەن, بۇرىنعى قاۋقارىنان الىستاپ قالعان ەدٸ.
بۇل رەتتە ە.حوليفيلدپەن بولعان كەزدەسۋدٸ جۇرت ەلٸ ۇمىتا قويماعان بولۋى كەرەك. ەبدەن تيتىقتاعان تايسون سوڭعى راۋندقا زورعا شىداس بەرگەن ەدٸ. الايدا, تايسون بۇل كەزدەسۋ ٷشٸن 30 ميلليون دوللار الىپ, ال حوليفيلد 5 ميلليون دوللاردى قاناعات تۇتقان. وسىدان كەيٸن بارىپ ٶتكەن قارىمتا كەزدەسۋ ەلەم بوكسىنىڭ تاريحىندا ەستەن شىقپاستاي بولىپ قالدى.
حوليفيلدپەن قايتا كەزدەسكەن تايسوننىڭ كەرٸ جىنى قايتا قوزىپ, قۇلاعىن جۇلىپ العانى ەستەرٸڭٸزدە بولار. ەرينە, وعان ەكٸ جىلدان كەيٸن ليتسەنزيياسىن قايتىپ بەرگەنٸمەن, ول بەرٸبٸر جامان اتىمەن قالدى. تٸپتٸ, ونى سپورتتىڭ ەڭ قاندى دەگەن تٷرٸنە دە جولاتپاي, بەرٸ قاشاتىن بولدى. ميلليونداعان اقشالارىن بٸرنەشە مەرتە ٶتكەن سوت ٸسٸنە جۇمسادى.
بٷگٸندە تايسوندى سول باياعى اتاق-داڭقى اسىراپ جٷر. ٶز ٶمٸرٸ جايلى كٸتاپ شىعارىپ, تەلەشوۋ جٷرگٸزەدٸ. تٸپتٸ, ساياساتقا دا ارالاسىپ قويادى. تاياۋدا ول اقش پرەزيدەنتتٸگٸنەن ٷمٸتكەر دونالد ترامپتىڭ كانديداتۋراسىن قولدايتىنىن بٸلدٸردٸ. تٸپتٸ, ميللياردەر سەناتور «مايك تايسون مەنٸ قولدايدى جەنە بۇل ماعان ۇنايدى. نەبٸر كەرەمەت جٸگٸتتەر مەنٸڭ جاعىمدا» دەپ لەپٸردٸ.
بٷگٸندە ەردٸڭ جاسى ەلۋگە كەلٸپ وتىرعان تەمٸر كٷرزٸ يەسٸ ٶمٸرٸندە سەتسٸزدٸكتەرگە ۇشىراپ, تاعدىردان قانشا تاياق جەسە دە «جىلاننىڭ ٷش كەسسە دە كەسٸرتكەدەي قاۋقارى بار» دەمەكشٸ, ەلٸ دە تاعىنان تٷسە قويعان جوق, باياعى داڭقى ٶزٸنە ەندٸ قىزمەت ەتە باستادى.
دەرەككٶزٸ: «الماتى اقشامى» گازەتٸ
