جامبىل وبلىسىندا قىرعىزستانمەن شەكاراداعى «ايشا بيبٸ» ٶتكٸزۋ بەكەتٸندە بولعان جانجالعا بايلانىستى ەيەل قىلمىستىق جاۋاپكەرشٸلٸككە تارتىلدى, دەپ حابارلايدى dalanews.kz.
جامبىل اۋداندىق سوتىنىڭ مەلٸمەتٸنشە, وقيعا 2026 جىلدىڭ مامىر ايىندا بولعان. سوتتالۋشى وتباسىمەن بٸرگە قىرعىز رەسپۋبليكاسىنان ورالىپ, مەملەكەتتٸك شەكارادان كەزەكسٸز ٶتپەك بولعان. وسىعان بايلانىستى كەزەكتە تۇرعان ەيەل ەسكەرتۋ جاساپ, ەكەۋٸنٸڭ اراسىندا سٶزگە كەلٸسپەۋشٸلٸك تۋىنداعان.
شەكارادان ٶتكەننەن كەيٸن جەبٸرلەنۋشٸ بولعان جاعدايدى ۇيالى تەلەفونىنا تٷسٸرە باستاعان. سول سەتتە ول سوتتالۋشىنىڭ ۇلىنىڭ قولىنداعى تەلەفوندى قاعىپ جٸبەرگەن. بۇعان جاۋاپ رەتٸندە سوتتالۋشى جەبٸرلەنۋشٸگە جاقىنداپ بارىپ, بەتٸنەن الاقانىمەن ۇرعان. جانجالدى وقيعا كۋەگەرلەردٸڭ ارالاسۋىمەن توقتاتىلعان.
سوت كٸنەنٸڭ تاراپتاردىڭ ايعاقتارىمەن, ساراپتاما قورىتىندىسىمەن جەنە بەينەجازبالارمەن دەلەلدەنگەنٸن اتاپ ٶتتٸ.
پروكۋرور سوتتالۋشىعا 100 ساعات قوعامدىق جۇمىس تاعايىنداۋدى سۇراعان. ەيەل ٶز كٸنەسٸن تولىق مويىنداپ, ٶكٸنٸش بٸلدٸرٸپ, جەبٸرلەنۋشٸدەن كەشٸرٸم سۇراعان.
ال جەبٸرلەنۋشٸ ٶزٸنە بٸرنەشە رەت سوققى جاسالعانىن جەنە دەنساۋلىعىنا اۋىر زييان كەلگەنٸن ايتقان. الايدا ساراپتاما بۇل مەلٸمدەمەلەردٸ راستاعان جوق. ساراپشىنىڭ قورىتىندىسىنا سەيكەس, كەلتٸرٸلگەن جاراقاتتار دەنساۋلىققا زييان كەلتٸرمەگەن.
سوت ەيەلدٸڭ كٸنەسٸن مويىنداۋى, ٶكٸنۋٸ, بەس كەمەلەتكە تولماعان بالاسىنىڭ بولۋى, بۇرىن سوتتالماعانى سيياقتى مەن-جايلاردى جەڭٸلدەتەتٸن جاعداي رەتٸندە ەسكەردٸ.
سوت ٷكٸمٸمەن ەيەل قىلمىستىق كودەكستٸڭ 109-1-بابى 2-بٶلٸگٸ 5-تارماعى بويىنشا كٸنەلٸ دەپ تانىلىپ, 100 ساعات قوعامدىق جۇمىسقا تارتىلدى. سونىمەن قاتار جەبٸرلەنۋشٸنٸڭ پايداسىنا 300 مىڭ تەڭگە كٶلەمٸندە مورالدىق ٶتەماقى ٶندٸرٸلدٸ.
ٷكٸم زاڭدى كٷشٸنە ەندٸ.
