يە, بٶكەڭ اعاسى ەل باسقارىپ تۇرعاندا تالاي دٷنيەنٸ اتىنا جازىپ العانىن جۇرتتىڭ بەرٸ بٸلەدٸ. ەسكٸ قازاقستاندا بۇل كٸسٸلەرگە «ەي دەيتٸن اجا, قوي دەيتٸن قوجا» بولمادى عوي.
سوندىقتان كٶپشٸلٸك بولات نازارباەۆتىڭ اعاسىنىڭ بەدەلٸن پايدالانىپ, اتىنا جازىپ العان دٷنيە-مٷلٸكتٸ مەملەكەت مەنشٸگٸنە قايتارعانىن قولدايدى.
وسى بٸر جاڭالىقتى سٷيٸنشٸلەپ كٶپشٸلٸككە جەتكٸزگەن ەرلان سايروۆ مىرزاعا راحمەت.
بٸراق ەرەكەڭ جارييالاعان بٸر اۋىز اقپاراتتىڭ استىندا حالىق «بولات نازارباەۆ رەيدرلٸك جولمەن العان دٷنيەسٸن قايتارا سالىپ, جٷرە بەرە مە?» دەپ ەكس-دەپۋتاتقا ساۋال دا جولداپتى.
وسى سۇراقتى «امانات» پارتيياسىنان دەپۋتاتتىققا ٷمٸتكەر ەرلان سايروۆ جوعارى بيلٸككە قويسا قانداي جاقسى بولار ەدٸ.
ٶيتكەنٸ ەرەكەڭ ەلٸمٸزدٸڭ قوعامدىڭ-ساياسي ٶمٸرٸندە ٶز ورىنى بار ازامات ەمەس پە?
«بولات نازارباەۆتىڭ دٷنيە-مٷلكٸ مەملەكەت مەنشٸگٸنە قايتتى» دەپ كەز كەلگەن ادام ەكٸ اۋىز پوست جازىپ, حابار تاراتا الادى.
ال ەرەكەڭنٸڭ جوعارى جاققا «زاۋىتتى قالاي قايتاردىڭدار? بٶكەڭ مەملەكەت مەنشٸگٸن مەنشٸكتەگەندە زاڭ بۇزدى ما?» دەگەن ساۋالداردى اشىق قويىپ, جاۋاپ الاتىن مٷمكٸندٸگٸ دە, ابىروي-بەدەلٸ دە بار عوي.
توقاەۆقا جاڭا قازاقستاننىڭ قابىرعاسىن قالاسىپ جٷرگەن ەرلان سايروۆ دەل وسى ٸستٸڭ سوڭىنا تٷسٸپ العانىن حالىق تا قالايتىنى انىق.
قۇزىرلى ورىنداردىڭ بٶكەڭنٸڭ اتىنا جازىلعان اكتسييانى مەملەكەتكە كٷنٸ كەشە عانا قايتارعانىن بٸلەمٸز.
دەمەك, الداعى ۋاقىتتا «اماناتتىڭ» جامپوزى ەرلان سايروۆتان وسى ٸستٸڭ سوڭىنا تٷسٸپ, كەڭ كٶلەمدٸ اقپارات بەرٸپ قالار دەپ تە ٷمٸتتەنەمٸز (ەندٸ سايروۆتىڭ پاراقشاسىن اڭدىپ وتىرامىز).
سول كەزدە سايروۆتىڭ حالىق الدىندا بەدەلٸ ٶسٸپ, وسى بٸر ٸسپەن-اق تاريحتا اتى قالار ەدٸ.
ەيتپەسە مۇناي ەكٸ اۋىز سٶز اقپاراتتى «اماناتتىڭ» باسپاسٶز قىزمەتٸندە ٸستەيتٸن قىز-جٸگٸتتەر دە تاراتادى عوي.
سونىقتان ەرەكەڭنەن كەسەك دٷنيە, بولات نازارباەۆ ٸسٸنە قاتىستى تەرەڭ زەرتتەۋ كٷتەمٸز.
سول كەزدە ەرەكەڭ, ەل سىيلايتىن مىقتى ساياساتكەرگە اينالاتىنى انىق.
ەرلان مىرزا, بٶكەڭنٸڭ سوڭىنا تٷسٸپ, ٸشكەن-جەگەندەرٸن قۇستىرىپ, زاڭ الدىندا جاۋاپقا تارتقانشا توقتاماڭىز.
ٶيتكەنٸ سٸز ماسشتابىڭىز اۋقىمدى, ساياسي كەلەشەگٸڭٸز زور ازاماتسىز عوي. سايلاۋ ٶتكەن سوڭ وسى ٸستٸ دەرەۋ قولعا الىڭىز, حالىق سٸزگە قولداۋ كٶرسەتەدٸ.
