تٷرٸكتٸڭ «Gen group Qazaqstan» كومپانيياسى 5,3 گەكتار جىلىجاي كەشەنٸن سالىپ, بانان وتىرعىزعان. ٶسٸرٸلەتٸن بانان سورتى ارنايى قازاقستاننىڭ كليماتتىق جاعدايلارىنا بەيٸمدەلگەن. العاشقى ٶنٸمدٸ 6 ايدان كەيٸن جيناۋ جوسپارلانۋدا.
كەسٸپورىن باسشىسى تيمۋر ۋتەشوۆ الداعى ۋاقىتتا مانگو, اۆوكادو سىندى جەمٸس تٷرلەرٸن ٶندٸرۋدٸ جوسپارلاپ وتىر.
ەكزوتيكالىق جەمٸستەردەن باسقا, جىلىجايدا قىزاناق پەن قۇلپىناي ٶسٸرٸلەدٸ. جوبانىڭ بٸرٸنشٸ كەزەڭدەگٸ قۇنى 4 ملن دوللاردى قۇرايدى. قۇرىلىس ساپاسى جوعارى, جىلىجايلار كليماتتىق باقىلاۋ مەن بەيٸمدەلگٸش قورەكتەندٸرۋ جٷيەسٸمەن جابدىقتالعان.
قازاقستاندا بالاماسى جوق كەسٸپورىن جاقىن ارادا جىلىجاي جەرٸن 5 گەكتارعا كەڭەيتپەك. قايناربۇلاق اۋىلدىق وكرۋگٸندە ورنالاسقان جىلىجاي جىلىنا شامامەن 1000 توننا بانان ٶندٸرۋگە مٷمكٸندٸك بەرەدٸ. بۇل ٸشكٸ نارىقتىڭ قاجەتتٸلٸگٸن 1% قامتاماسىز ەتٸپ وتىر.
وبلىس باسشىسى ەگٸستٸكتٸ ەرتاراپتاندىرۋدىڭ ماڭىزدىلىعىن اتاپ ٶتتٸ.
– ەگٸستٸكتٸ ەرتاراپتاندىرۋ, بالانس ۇستاۋ اسا ماڭىزدى. بٸز جىل سايىن تەك بٸر داقىلداردى ەكپەۋٸمٸز كەرەك. نارىققا نازار اۋدارىپ, جوعارى سۇرانىسقا يە دٷنيەلەردٸ باقىلاعان جٶن. ٶزٸمٸزدٸ بارلىق قاجەتتٸ ٶنٸمدەرمەن قامتاماسىز ەتۋ جەنە سول ارقىلى باعانى تۇراقتاندىرۋ ٷشٸن ايماقتىڭ ازىق-تٷلٸك قاۋٸپسٸزدٸگٸ سالاسىنا بارىنشا قامقورلىق تانىتۋ قاجەت, – دەپ اتاپ ٶتتٸ دارحان ساتىبالدى.
ەگٸستٸكتٸ سۋارمالى سۋمەن قامتۋ مەسەلەسٸنە كٶڭٸل بٶلگەن ايماق باسشىسى بارلىق قولدا بار مٷمكٸندٸكتەردٸ پايدالانۋدى, اتاپ ايتقاندا, جەر استى سۋلارىنىڭ قورلارىن زەرتتەۋ جۇمىستارىن جالعاستىرۋدى, سونداي-اق بارلىق سۋ رەسۋرستارىنىڭ تەڭگەرٸمٸن زەردەلەۋدٸ تاپسىردى.
ساپار بارىسىندا وبلىس باسشىسى دارحان ساتىبالدى سايرام اۋدانىنداعى قۇراما جەم شىعاراتىن زاۋىتتىڭ جۇمىسىمەن تانىستى. ٶندٸرٸس ورنى جىلىنا 60 مىڭ توننا مال ازىعىن ٶندٸرەدٸ. بٷگٸندە زاۋىت ٶنٸمٸن ٸشكٸ نارىققا جەنە ٶزبەكستان رەسپۋبليكاسىنا ەكسپورتقا جٸبەرۋدە. اتالعان نىساننىڭ جوبالىق قۇنى 600 ملن تەڭگە. جەرگٸلٸكتٸ تۇرعىندار تۇراقتى جۇمىسپەن قامتىلعان.
