بۇگىن اتالعان اكسيا اياسىندا اۋداندىق ءماسليحات دەپۋتاتتىعىنا ۇمىتكەر سەيداحمەت ميرزايەۆ كولكەنت اۋىلىنىڭ تۇركىستان كوشەسىندەگى ۇيلەردى ارالاپ، سايلاۋشىلارمەن كەزدەستى.
– سايرام اۋدانى بويىنشا «Nur Otan» پارتياسىنىڭ سايلاۋالدى باعدارلاماسى 7 باسىم باعىتتان تۇرادى. ولاردىڭ بارلىعى حالىقتىڭ ءومىر ءسۇرۋ ساپاسى مەن ءال-اۋقاتىن ۇنەمى جاقسارتۋعا باعىتتالعان. باعدارلاما اياسىندا تۇراقتى ەكونوميكالىق دامۋ جانە حالىقتىڭ ءومىر ءسۇرۋ دەڭگەيىن ارتتىرۋ، تۇرعىندار ءۇشىن جايلى اۋدان، الەۋەتتىك باعدارلانعان جانە جاستاردىڭ باستاماسىن ۇنەمى قولدايتىن اۋدان قالىپتاستىرۋ كوزدەلگەن، – دەدى سەيداحمەت ميرزايەۆ.
سونىمەن قاتار، «Nur Otan» پارتياسى تاريح پەن مادەنيەتتى دامىتۋ، اشىقتىق، ەسەپ بەرۋشىلىك جانە جەمقورلىققا قارسى ءىس-قيمىل شارالارىنا ۇيىتقى بولۋ، تۇرعىندار قاۋىپسىزدىگىن قاماتامسىز ەتۋدى دە جوسپارلاپ وتىرعانىن ۇمىتكەر العا تارتتى.
ايتالىق، «جايلى اۋدان» باعدارلاماسى اياسىندا ەلدىمەكەندەردى اۋىز سۋمەن، تابيعي گازبەن 100 پايىز قاماتاماسىز ەتۋ جوسپارلانىپ وتىر.
سايرام اۋدانىندا 42 ەلدى مەكەننىڭ 26-ى (61،1%) تابيعي گازبەن قامتىلعان، جىل سوڭىنا دەيىن قاسىمبەك داتقا، ءاسىلارىق، وشاقتى، تەسپە جانە ورازالييەۆ اۋىلدارى تابيعي گازعا قوسىلىپ، تابيعي گازبەن قامتۋ كورسەتكىشى 74،5 پايىزدى قۇرايتىن بولادى.
پارتيا 2024 جىلعا دەيىن اۋدان تۇرعىندارىن تابيعي گازبەن 100 پايىز قامتاماسىز ەتۋ مىندەتىن قويىپ وتىر.
«Nur Otan» ءپارتياسىنىڭ بەلسەندىلەرى الداعى 2021 جىلى قۇتارىس، قىزىلجار، توعان، تاسكەشۋ، اقسۋاباد، بەرەكە جانە شاپراشتى ەلدى مەكەندەرى تابيعي گازبەن قامتۋدى كوزدەپ وتىر.
2021 جىلدان كولكەن، ويماۋىت، اقارىس ەلدى مەكەندەرىنىڭ گاز جۇيەسىنىڭ قۇرىلىسى (3،1 ملرد.) باستالادى. ال، سارارىق ەلدى مەكەنىن تابيعي گازبەن قامتۋ 136 ملن تەڭگە قاجەت. مەملەكەت تاراپىنان بولىنگەن قارجىنى ءتيىستى ماقساتقا جۇمساۋدى سايرام اۋداندىق «Nur Otan» پارتياسى فيليالى باقىلايتىن بولادى.
كوكەيدەگى ساۋالدارىنا لايىقتى جاۋاپ العان اۋدان بەلسەندىسى، ۇمىتكەر كانديداتتاردىڭ جۇمىستارىنا تابىس تىلەپ، قاراپايىم حالىقتىڭ مۇڭ-مۇقتاجىنا باسا نازار اۋدارۋدى ءوتىندى. ۇمىتكەرلەر ماڭىزدى ساياسي ناۋقانعا اتسالىسۋعا شاقىرىپ، ماسەلەنىڭ ءتۇيىنىن شەشۋگە ۋادە بەردى.
(ماتەريال اقىسى «Nur Otan» پارتياسىنىڭ تۇركىستان وبلىسى سايرام اۋدانىنىڭ سايلاۋ قورىنىڭ ەسەبىنەن تولەندى)
