12 جەلتوقساندا ايبەك سماديياروۆتىڭ سىرتقى ٸستەر مينيسترلٸگٸندەگٸ قىزمەتٸنەن كەتۋٸ قوعامدا تٷرلٸ پٸكٸر تۋدىرعان ەدٸ. بٸرقاتار اقپارات كٶزٸ ونىڭ مەملەكەتتٸك قىزمەتتەن بٸرجولا كەتٸپ, جەكە سەكتورعا اۋىسۋى مٷمكٸن ەكەنٸن جازدى. الايدا بۇل بولجامدار راستالماي, اراعا نەبەرٸ ٷش كٷن سالىپ ول پرەزيدەنت ەكٸمشٸلٸگٸنٸڭ ەڭ ىقپالدى قۇرىلىمدارىنىڭ بٸرٸ — ٸشكٸ ساياسات بٶلٸمٸنٸڭ مەڭگەرۋشٸسٸ قىزمەتٸنە تاعايىندالدى. اتالعان كادرلىق شەشٸمگە ساياساتتانۋشى تولعاناي ٷمبەتەليەۆا كەسٸبي ەرٸ ساياسي تۇرعىدان باعا بەردٸ, دەپ حابارلايدى Dalanews.kz.
ساراپشىنىڭ ايتۋىنشا, سماديياروۆتىڭ سىرتقى ساياساتتاعى كٶپجىلدىق تەجٸريبەسٸ ونىڭ ٸشكٸ ساياساتتاعى قىزمەتٸنە دە وڭ ەسەر ەتۋٸ مٷمكٸن. ەسٸرەسە 2022 جىلدان بەرٸ سىرتقى ٸستەر مينيسترلٸگٸنٸڭ رەسمي ۇستانىمىن تٷسٸندٸرۋ بارىسىندا ونىڭ كەسٸبيلٸگٸ, سالقىنقاندىلىعى جەنە ناقتى پوزيتسيياسى ايقىن كٶرٸنە باستادى, دەيدٸ.
“سىرتقى ساياسات ۋكرايناداعى سوعىس باستالعاننان كەيٸن عانا ەرەكشە ماڭىزعا يە بولدى. وسى كەزەڭنەن باستاپ ونىڭ ٸشكٸ ساياساتقا تٸكەلەي ەسەر ەتكەنٸ بايقالدى. 2022 جىلدان بەرگٸ ۋاقىتتى نەگٸزگە الساق, سىرتقى ٸستەر مينيسترلٸگٸنٸڭ ۇستانىمى انىق, ناقتى ەرٸ ديپلوماتييالىق ستيلدە جەتكٸزٸلدٸ. بۇل تۇرعىدا ايبەك سماديياروۆ ٶزٸن كەسٸبي كادر رەتٸندە كٶرسەتە الدى”, – دەيدٸ تولعاناي ٷمبەتەليەۆا.
ساياساتتانۋشى ونىڭ ەموتسيياعا بەرٸلمەيتٸن, ۇستامدى ستيلٸن دە جوعارى باعالادى. ونىڭ پٸكٸرٸنشە, لاۋازىمدى ساياساتكەر ٷشٸن سالقىنقاندى بولۋ ايتارلىقتاي ارتىقشىلىق بەرەدٸ.
“كەسٸبيلٸك تۇرعىسىنان وعان سىن ايتۋ قيىن. جالپى, ساياساتكەر ٷشٸن ەموتسيياسىن باقىلاۋدا ۇستاي بٸلۋ اسا ماڭىزدى. بيلٸكتٸڭ جوعارى ساتىسىنداعى تۇلعالار بارىنشا سالقىنقاندى, ۇستامدى بولۋى تيٸس. ساياساتتاعى شامادان تىس ەموتسييا, كەرٸسٸنشە, كەرٸ ەسەرٸن تيگٸزەدٸ. ەرينە, كەي جاعدايدا الدىن الا ويلاستىرىلعان ستسەناريي اياسىندا ەموتسييا ەدەيٸ كٶرسەتٸلۋٸ مٷمكٸن, بۇل - ستراتەگييانىڭ بٸر بٶلٸگٸ. الايدا تۇتاستاي العاندا, ەموتسييانى باسقارا الۋ - ساياساتكەردٸڭ ەڭ مىقتى قىرلارىنىڭ بٸرٸ دەپ ايتار ەدٸم”, – دەيدٸ ساراپشى.
ونىڭ سٶزٸنشە, ٸشكٸ ساياساتتا قىسىم مەن ەموتسيياعا جەتەلەيتٸن جاعدايلار جيٸ كەزدەسەدٸ. مۇنداي سەتتەردە شەشٸمدٸ سەزٸمگە بەرٸلمەي, اقىلمەن قابىلداۋ اسا ماڭىزدى.
“سوندىقتان ونىڭ ەموتسيياسىن تٸزگٸندەۋ قابٸلەتٸ بولاشاقتا ساياسي مانسابى ٷشٸن جاقسى مٷمكٸندٸك اشۋى ەبدەن مٷمكٸن”, - دەيدٸ ول.
ساراپشى سماديياروۆتىڭ ٸشكٸ ساياساتقا اۋىسۋىن پرەزيدەنت قاسىم-جومارت توقاەۆپەن بۇرىننان قالىپتاسقان كەسٸبي سەنٸممەن بايلانىستىرادى. ونىڭ پٸكٸرٸنشە, مەملەكەت باسشىسىنا ٸشكٸ ساياساتتا تەجٸريبەلٸ, سەنٸمدٸ ەرٸ جٷيەلٸ ويلايتىن كادر قاجەت.
“توقاەۆ ونى مەرتەبەسٸنە ساي كەلەتٸن, ەڭ قولايلى لاۋازىمعا ورنالاستىردى دەپ ويلايمىن. پرەزيدەنتتٸڭ مۇنداي تەجٸريبەلٸ ماماندى ٶزٸنەن الىس جٸبەرمەۋٸ تٷسٸنٸكتٸ. ەكٸمشٸلٸك قۇرىلىمدا ٸشكٸ ساياسات باعىتى كادرلىق قاجەتتٸلٸكتەن تۋىنداعان بولۋى مٷمكٸن. سوندىقتان سماديياروۆتى “ٶز ادامى” رەتٸندە وسى سالاعا جاۋاپتى كوماندا قۇرامىنا ەنگٸزۋ ورىندى شەشٸم بولدى. ەندٸ ول ٸشكٸ ساياسات بٶلٸمٸنە جەتەكشٸلٸك ەتەدٸ. تيٸسٸنشە, ەل ٸشٸندە نە بولىپ جاتقانىنان تولىق حاباردار بولادى ەرٸ بەلگٸلٸ بٸر دەڭگەيدە ىقپال ەتە الادى”, - دەپ قوستى ول.
ايتۋىنشا, سىرتقى جەنە ٸشكٸ ساياسات ٶزارا تىعىز بايلانىستى ۇعىمدار.
“سىرتقى ساياسات - ەردايىم ٸشكٸ ساياساتتىڭ جالعاسى. سوندىقتان بۇل سالادا جۇمىس ٸستەگەن ادام ٸشكٸ پروتسەستەردٸ دە جاقسى تٷسٸنەدٸ. مەنٸڭشە, بۇل ونىڭ ٶزٸ ٷشٸن جاڭا تەجٸريبە, جاڭا جۇمىس باعىتى. ەندٸ ول جاعدايعا باسقا قىرىنان قارايتىن بولادى. بۇل ٶزگەرٸس ەڭ الدىمەن توقاەۆپەن قالىپتاسقان كەسٸبي سەنٸمنٸڭ نەتيجەسٸ”, - دەدٸ ول.
ساراپشىنىڭ پايىمىنشا, الداعى ۋاقىتتا سماديياروۆقا سىرتقى جەنە ٸشكٸ ساياساتتى ٷيلەستٸرۋ مٸندەتٸ جٷكتەلۋٸ مٷمكٸن.
“ونىڭ نەگٸزگٸ ميسسيياسى دا وسىعان بايلانىستى بولۋى ىقتيمال”, - دەپ قوستى ول.
سونىمەن قاتار تولعاناي ٷمبەتەليەۆا ايبەك سماديياروۆتىڭ مەديامەن جۇمىس ٸستەۋ تەجٸريبەسٸنە دە نازار اۋداردى. ول سىرتقى ٸستەر مينيسترلٸگٸندە قىزمەت ەتكەن كەزەڭدە بۇقارالىق اقپارات قۇرالدارىمەن اشىق ەرٸ سەنٸمدٸ بايلانىس ورناتا العان.
“بالاەۆا حانىمنىڭ كەزەڭٸندە مەملەكەت پەن باق اراسىنداعى قارىم-قاتىناس كٷردەلەنە تٷستٸ. ال سماديياروۆ, كەرٸسٸنشە, مەديامەن تيٸمدٸ ديالوگ ورناتا بٸلدٸ. ەلەۋمەتتٸك جەلٸلەردەگٸ بەلسەندٸلٸگٸنە قاراعاندا, جۋرناليستەرمەن سەنٸمدٸ ەرٸ اشىق قارىم-قاتىناس قالىپتاستىرعان”, - دەيدٸ ساراپشى.
ساياساتتانۋشىنىڭ ايتۋىنشا, بۇل فاكتورلار ونىڭ ٸشكٸ ساياساتتاعى رٶلٸن كٷشەيتٸپ, الداعى ۋاقىتتا ىقپالدى تۇلعالاردىڭ بٸرٸنە اينالۋىنا نەگٸز بولا الادى.
“ونىڭ ناقتى جۇمىس ستيلٸن ۋاقىت كٶرسەتەدٸ. دەگەنمەن قازٸرگٸ پايىمىم بويىنشا, ول كەسٸبيلٸككە, قۇزىرەتتٸلٸككە جەنە ناقتى مٸندەتتەردٸ ورىنداۋعا باسىمدىق بەرەتٸن شەنەۋنٸك”, – دەپ تٷيٸندەدٸ تولعاناي ٷمبەتەليەۆا.
