اۋتيلى شارانى ءبىلىم مازمۇنىن دامىتۋ ينستيتۋتى ۇيىمداستىرعانىن ايتا كەتۋىمىز كەرەك.
حالىقارالىق وليمپياداعا ەلىمىزدىڭ استانا، الماتى قالاسى مەن قىزىلوردا وڭىرلەرىنەن جانە موڭعوليادان كەلگەن 215 وقۋشى، 60 جەتەكشى قاتىستى. ءىس-شارادا 73 كوماندا ب ا ق سىنادى.
وليمپيادانىڭ اشىلۋ سالتاناتىندا ق ر كىشى عىلىم اكادەمياسىنىڭ ۆيسە-پرەزيدەنتى ۆالەنتينا گريششەنكو، ءبىلىم مازمۇنىن دامىتۋ ينستيتۋتىنىڭ ديرەكتورى باۋىرجان ايتكاريموۆ، پەداگوگيكا عىلىمدارىنىڭ دوكتورى، پروفەسسور جاڭالىق بالتابايەۆا قۇتتىقتاۋ ءسوز سويلەپ، ءىس-شارانىڭ ءبىلىم الۋشىلاردى دامىتۋ جانە قازاقستان رەسپۋبليكاسىنىڭ ءتىل ساياساتى سالاسىنداعى بىلىمدەرىن نىعايتۋ ءۇشىن ماڭىزدىلىعىن اتاپ ءوتتى.
جارىستى ءبىلىم بەرۋ سالاسىنىڭ بىلىكتى جەتەكشىلەرى مەن پەداگوگتارى باعالادى: جاڭالىق بالتابايەۆا، قالبيكە ەسەنوۆا، قۇرالاي مۇحامادي، گۇلناز بەيسەنبەكوۆا، روزا باقبەرگەنوۆا، داريعا ساتەميروۆا، گۇلناز نوپتەكەيەۆا، نۇرگۇل جايكينا، سالتانات قۇسايىنوۆا، ۇلبوسىن بايتاسوۆا، ۇلجالعاس اعىبايەۆا، گۇلميرا تايگارينا، نۇرگۇل كۋبييەۆا، دانيا كوسپايەۆا، مەدەت قوندىباي، نۇرجامال ءازىمباي.
وليمپيادا جوعارى دەڭگەيدە ءوتتى. بارلىق كوماندالار «ساتىلاي كەشەندى وقىتۋ» تەحنولوگياسىن باسشىلىققا الا وتىرىپ، ءوز تاپسىرمالارىن ورىندادى.
قاتىسۋشىلار ەلىمىزدىڭ ءتىلىن، مادەنيەتى مەن تاريحىن ءبىلۋ بويىنشا كۇردەلى تاپسىرمالار ورىنداپ، جازبا جۇمىستارىندا شىعارماشىلىق قابىلەتتەرىن دە كورسەتتى. ناتيجەسىندە ءار نوميناسيا جانە كوماندا بويىنشا جەڭىمپازدار مەن جۇلدەگەرلەر انىقتالدى.
وليمپيادانىڭ سوڭىندا بارلىق قاتىسۋشىلارعا جانە ولاردىڭ جەتەكشىلەرىنە سەرتيفيكاتتار تابىس ەتىلدى. جەڭىمپازدار ارنايى ديپلومدارمەن ماراپاتتالدى.
وليمپيادانى ۇيىمداستىرۋشىلار قاتىسۋشىلاردىڭ دايىندىعىنىڭ جوعارى دەڭگەيىن اتاپ ءوتىپ، تىلدىك ءبىلىم بەرۋدى دامىتۋ جانە انا ءتىلىن كەڭىنەن ناسيحاتتاۋ ماقساتىندا مەكتەپتەرمەن ىنتىماقتاستىقتى جالعاستىرۋعا سەنىم ءبىلدىردى.
جەتىباي راقىمبەردى قاجىعالي ۇلى، بمدي قۇرىلتايشىسى
