«Satylai keshendi oqytý» tehnologiiasy boiynsha olipiada ótti
Aýtily sharany Bilim mazmunyn damytý institýty uiymdastyrǵanyn aita ketýimiz kerek.
Halyqaralyq olimpiadaǵa elimizdiń Astana, Almaty qalasy men Qyzylorda óńirlerinen jáne Mońǵoliiadan kelgen 215 oqýshy, 60 jetekshi qatysty. Is-sharada 73 komanda baq synady.
Olimpiadanyń ashylý saltanatynda QR Kishi ǵylym akademiiasynyń vitse-prezidenti Valentina Grishenko, Bilim mazmunyn damytý institýtynyń direktory Baýyrjan Aitkarimov, pedagogika ǵylymdarynyń doktory, professor Jańalyq Baltabaeva quttyqtaý sóz sóilep, is-sharanyń bilim alýshylardy damytý jáne Qazaqstan Respýblikasynyń til saiasaty salasyndaǵy bilimderin nyǵaitý úshin mańyzdylyǵyn atap ótti.
Jarysty bilim berý salasynyń bilikti jetekshileri men pedagogtary baǵalady: Jańalyq Baltabaeva, Qalbike Esenova, Quralai Muhamadi, Gúlnaz Beisenbekova, Roza Baqbergenova, Dariǵa Satemirova, Gúlnaz Nóptekeeva, Nurgúl Jaikina, Saltanat Qusaiynova, Ulbosyn Baitasova, Uljalǵas Aǵybaeva, Gúlmira Taigarina, Nurgúl Kýbieva, Daniia Kospaeva, Medet Qondybai, Nurjamal Ázimbai.
Olimpiada joǵary deńgeide ótti. Barlyq komandalar «Satylai keshendi oqytý» tehnologiiasyn basshylyqqa ala otyryp, óz tapsyrmalaryn oryndady.
Qatysýshylar elimizdiń tilin, mádenieti men tarihyn bilý boiynsha kúrdeli tapsyrmalar oryndap, jazba jumystarynda shyǵarmashylyq qabiletterin de kórsetti. Nátijesinde ár nominatsiia jáne komanda boiynsha jeńimpazdar men júldegerler anyqtaldy.
Olimpiadanyń sońynda barlyq qatysýshylarǵa jáne olardyń jetekshilerine sertifikattar tabys etildi. Jeńimpazdar arnaiy diplomdarmen marapattaldy.
Olimpiadany uiymdastyrýshylar qatysýshylardyń daiyndyǵynyń joǵary deńgeiin atap ótip, tildik bilim berýdi damytý jáne ana tilin keńinen nasihattaý maqsatynda mekteptermen yntymaqtastyqty jalǵastyrýǵa senim bildirdi.
Jetibai Raqymberdi Qajyǵaliuly, BMDI quryltaishysy
