ەكٸباستۇزدا بۇرىن ادام ٶلتٸرگەنٸ ٷشٸن سوتتالىپ, شارتتى تٷردە مەرزٸمٸنەن بۇرىن بوساپ شىققان ەيەل ارادا جارتى جىل ٶتپەي تاعى بٸر ادامدى ٶلتٸرگەنٸ ٷشٸن 17 جىلعا باس بوستاندىعىنان ايىرىلدى, دەپ حابارلايدى dalanews.kz.
سوت ماتەريالدارىنا سەيكەس, قاڭتار ايىندا ٸشٸمدٸك ٸشكەننەن كەيٸن ەيەل مەن كٶرشٸسٸ اراسىندا جانجال تۋىنداعان. ايىپتالۋشى الدىمەن تانىسىن پودەزدە سوققىعا جىعىپ, كەيٸن پەتەردە وعان بٸرنەشە رەت پىشاق سۇققان. زارداپ شەگۋشٸ باسپالداق الاڭىنا قاشىپ شىعىپ, ەسٸنەن تانىپ قالعان.
وسىدان كەيٸن ايىپتالۋشى پەتەرگە قايتا كٸرٸپ, جەبٸرلەنۋشٸنٸڭ سول كەزدە ۇيىقتاپ جاتقان 32 جاستاعى بٸرگە تۇراتىن ازاماتىنان كەك الۋدان قاۋٸپتەنٸپ, وعان بٸرنەشە رەت پىشاق سالىپ, وقيعا ورنىندا ٶلتٸرگەن. كەيٸن قايتادان باسپالداق الاڭىنا شىعىپ, جارالانعان ەيەلدٸ ۇرىپ-سوعىپ, باسىن ەدەنگە بٸرنەشە رەت سوققان. ەيەل امان قالعان.
سوت ايىپتالۋشىنى كٸنەلٸ دەپ تانىدى. ول 2018 جىلى دا ادام ٶلتٸرگەنٸ ٷشٸن 9 جىلعا سوتتالعان, كەيٸن شارتتى تٷردە مەرزٸمٸنەن بۇرىن بوساتىلعان. الايدا جاڭا اسا اۋىر قىلمىستى بوستاندىققا شىققاننان كەيٸن التى ايعا جەتپەيتٸن ۋاقىت ٸشٸندە جاساعان.
سوت بۇرىنعى ٷكٸم بويىنشا ٶتەلمەگەن جازانىڭ بٸر بٶلٸگٸن قوسىپ, 28 جاستاعى ەيەلدٸ تٷپكٸلٸكتٸ 17 جىلعا باس بوستاندىعىنان ايىرۋ تۋرالى ٷكٸم شىعاردى. جازاسىن ول ەڭ جوعارى قاۋٸپسٸزدٸك مەكەمەسٸندە ٶتەيدٸ.
