Ekibastuzda buryn adam óltirgeni úshin sottalyp, shartty túrde merziminen buryn bosap shyqqan áiel arada jarty jyl ótpei taǵy bir adamdy óltirgeni úshin 17 jylǵa bas bostandyǵynan aiyryldy, dep habarlaidy dalanews.kz.
Sot materialdaryna sáikes, qańtar aiynda ishimdik ishkennen keiin áiel men kórshisi arasynda janjal týyndaǵan. Aiyptalýshy aldymen tanysyn podezde soqqyǵa jyǵyp, keiin páterde oǵan birneshe ret pyshaq suqqan. Zardap shegýshi baspaldaq alańyna qashyp shyǵyp, esinen tanyp qalǵan.
Osydan keiin aiyptalýshy páterge qaita kirip, jábirlenýshiniń sol kezde uiyqtap jatqan 32 jastaǵy birge turatyn azamatynan kek alýdan qaýiptenip, oǵan birneshe ret pyshaq salyp, oqiǵa ornynda óltirgen. Keiin qaitadan baspaldaq alańyna shyǵyp, jaralanǵan áieldi uryp-soǵyp, basyn edenge birneshe ret soqqan. Áiel aman qalǵan.
Sot aiyptalýshyny kináli dep tanydy. Ol 2018 jyly da adam óltirgeni úshin 9 jylǵa sottalǵan, keiin shartty túrde merziminen buryn bosatylǵan. Alaida jańa asa aýyr qylmysty bostandyqqa shyqqannan keiin alty aiǵa jetpeitin ýaqyt ishinde jasaǵan.
Sot burynǵy úkim boiynsha ótelmegen jazanyń bir bóligin qosyp, 28 jastaǵy áieldi túpkilikti 17 jylǵa bas bostandyǵynan aiyrý týraly úkim shyǵardy. Jazasyn ol eń joǵary qaýipsizdik mekemesinde óteidi.
