كەشە, 18 مامىردا اتىراۋدا بٸر وتباسىنىڭ بٸرنەشە مٷشەسٸنٸڭ ٶلٸمٸنە قاتىستى ايىپتالعان سۇلتان سەرسەماليەۆتٸڭ ٸسٸ بويىنشا سوت پروتسەسٸ بولدى. وتىرىستا پروكۋرور ايىپتاۋ اكتٸسٸن وقىپ, قايعىلى وقيعاعا دەيٸنگٸ وتباسىلىق جانجالدىڭ قالاي ٶربٸگەنٸن باياندادى, دەپ حابارلايدى dalanews.kz.
ايىپتاۋ اكتٸسٸنە سەيكەس, سۇلتان سەرسەماليەۆ پەن اقبايان مۇقانعاليەۆا 2022 جىلى زاڭدى تٷردە اجىراسقان. تەرگەۋ نۇسقاسى بويىنشا, ەرلٸ-زايىپتىلار اراسىنداعى كەلٸسپەۋشٸلٸك اتا-ەنەمەن بٸرگە تۇرۋ مەسەلەسٸنەن باستالعان.
مەملەكەتتٸك ايىپتاۋشىنىڭ ايتۋىنشا, 2022 جىلى اقباياننىڭ اناسى ٶتەشقاليەۆا قىزىنىڭ كٷيەۋٸنٸڭ اتا-اناسىمەن بٸرگە تۇرۋىنا قارسى بولعان. ول قىزىنان وتباسىمەن بٸرگە قالادا جالعا الىنعان ٷيدە بٶلەك تۇرۋىن تالاپ ەتكەن. الايدا سەرسەماليەۆ ٶز اتا-اناسىن تاستاپ كەتپەيتٸنٸن ايتىپ, بۇل تالاپپەن كەلٸسپەگەن.
وسى جاعدايدان كەيٸن ەرلٸ-زايىپتىلار اراسىندا جانجال تۋىپ, اقبايان مۇقانعاليەۆا اجىراسۋ تۋرالى ارىز جازعان. 2022 جىلدىڭ تامىزىندا ول قىز بوسانىپ, اتا-اناسى جالداپ بەرگەن ٷيدە بالالارىمەن بٸرگە تۇرعان. ال 22 قاراشادا نەكە رەسمي تٷردە بۇزىلىپ, سوت شەشٸمٸمەن بالالار اناسىنىڭ جانىندا قالعان.
كەيٸن سەرسەماليەۆ وتباسىمەن قايتا بٸرگە تۇرۋعا نيەت بٸلدٸرٸپ, 2023 جىلدان باستاپ اقباياننىڭ جانىنا كٶشٸپ بارعان. سول جىلدىڭ اقپانىندا ول مۇنايشى مٶلتەك اۋدانىنان ٷي جالداپ, ەيەلٸ مەن بالالارىمەن بٸرگە سوندا تۇرعانى ايتىلدى.
ايىپتاۋ اكتٸسٸندە 2024 جىلعى جاعدايلار دا باياندالدى. مەلٸمەتكە سٷيەنسەك, 2024 جىلدىڭ 10 تامىزىندا سەرسەماليەۆ پەن مۇقانعاليەۆا تٶرت بالاسىمەن بٸرگە اقباياننىڭ اتا-اناسىنىڭ ٷيٸنە دەمالىسقا بارعان. سول جەردە اقبايان اۋىرىپ قالىپ, جٷكتٸ كەزٸندە وعان وتا جاسالعان. وپەراتسييا اۋىر ٶتٸپ, ەيەل 20 كٷن كومادا جاتقان.
پروكۋروردىڭ سٶزٸنشە, دەل وسى كەزەڭدە اقباياننىڭ تۋىستارى سەرسەماليەۆتٸ قالاعا جٸبەرگٸسٸ كەلمەگەن. ايىپتاۋ تاراپىنىڭ نۇسقاسى بويىنشا, ولار كٷيەۋ بالاسى قالاعا كەتسە, بالالاردى ٶز اتا-اناسىنىڭ ٷيٸنە الىپ كەتۋٸ مٷمكٸن دەپ قاۋٸپتەنگەن. وسى جاعداي سەرسەماليەۆتٸڭ قايىن جۇرتىنا دەگەن اشۋ-ىزاسىن كٷشەيتكەن بولۋى مٷمكٸن.
اقبايان مۇقانعاليەۆا 2024 جىلدىڭ 10 قىركٷيەگٸندە اۋرۋحانادان شىققان. الايدا كەيٸن ونىڭ پسيحيكالىق جاعدايىندا قيىندىقتار پايدا بولعانى ايتىلدى. بۇدان سوڭ سۇلتان سەرسەماليەۆ پەن ناۋرىز مۇقانعاليەۆ اقباياندى ەمدەتۋ ٷشٸن تٷركيياعا الىپ بارعان, بٸراق ەم نەتيجە بەرمەگەن.
ايىپتاۋ دەرەگٸنشە, كەيٸن اتىراۋ ماڭىنداعى جالعا الىنعان ٷيدە سەرسەماليەۆ پەن ناۋرىز مۇقانعاليەۆتٸڭ اراسىندا جانجال شىققان. تەرگەۋ نۇسقاسى بويىنشا, سول جانجال كەزٸندە سەرسەماليەۆ ناۋرىزدى پىشاقتاپ ٶلتٸرگەن. كەيٸن مارقۇمنىڭ دەنەسٸن ٷيدٸڭ جانىنان قازىلعان شۇڭقىرعا كٶمٸپ, ٷيدەگٸ قان ٸزدەرٸن تازالاعان.
سونداي-اق ايىپتاۋ اكتٸسٸندە سۇلتان سەرسەماليەۆتٸڭ ناۋرىز مۇقانعاليەۆتٸڭ اتىنان 4 ميلليون تەڭگە نەسيە رەسٸمدەگەنٸ ايتىلدى.
