ونىڭ ايتۋىنشا, ەگەر بۇل جوبا قولعا اسسا تٷركٸستان ٶڭٸرٸندەگٸ جٷزٸمنەن جاسالعان ٶنٸمدەر ەلەمگە تانىلاتىن بولادى.
– ەرينە, كەڭەيۋگە قاتىستى وي-جوسپارىمىز بار. كەلەشەكتە جٷزٸم شىرىنىن شىعارۋدى ويلاپ جٷرمٸز. جٷزٸمدٸ ٶڭدەسەڭ, ونىڭ باعاسى دا ارتىپ, ەڭبەگٸڭنٸڭ زەينەتٸن كٶرەسٸڭ عوي. شىرىن شىعارۋدى قولعا الساڭ, ونىڭ بٸرنەشە تٷرٸن شىعارۋعا تۋرا كەلەدٸ. شىرىننىڭ تٷرٸن كٶبەيتۋ ٷشٸن جٷزٸمنٸڭ دە تٷرلەرٸن ارتتىرۋ كەرەك. سوندىقتان قازٸر جٷزٸمنٸڭ تٷرلەرٸن كٶبەيتۋگە كٷش سالىپ جاتىرمىز, – دەيدٸ كەسٸپكەر.
ايتا كەتەلٸك ەلٸمٸزدەگٸ جٷزٸم ٶندٸرٸسٸنٸڭ 70 پايىزدان استام تٷركٸستان وبلىسىنىڭ ەنشٸسٸندە.
بىلتىر سارىاعاش اۋدانىندا 8781 توننا جٷزٸم جينالعان ەكەن. شارۋالار ورتاشا ەسەپپەن جٷزٸمنٸڭ ەربٸر گەكتارىنان 48,9 تسەنتنەردەن ٶنٸم العان. ال ودان ەكٸ جىل بۇرىن تامشىلاتىپ سۋارۋ تەسٸلٸ ەنگٸزٸلگەن 450,7 گەكتار جٷزٸمنٸڭ 283 گەكتار القابى 1698 توننا ٶنٸم بەرٸپتٸ. ياعني, باعباندار جٷزٸمنٸڭ ەر گەكتارىنان 70 تسەنتنەرگە دەيٸن ٶنٸم جيناعان. «جٷزٸمنٸڭ ٶنٸم بەرۋ مەرزٸمٸ تٶرتٸنشٸ جىلدان باستالاتىنىن ەسكەرسەك, اتالعان ٶنٸمدٸلٸك جاقسى كٶرسەتكٸش بولىپ سانالادى» دەيدٸ سارىاعاشتىق ديقاندار.
