سارىاعاش اۋدانى اكىمدىگىنىڭ ءماجىلىس زالىندا «سيفرلىق قازاقستان» مەملەكەتتىك باعدارلاماسى اياسىندا كەزدەسۋ جيىنى ءوتىپ، وزەكتى ماسەلەلەر تالقىلاندى.  

جيىنعا «تۇركىستان» اكك» اق فيليالى «تۇركىستان وبلىسىنىڭ سيفرلاندىرۋ ورتالىعىنىڭ» ديرەكتورى ا.جانعۇلوۆ، ديرەكتوردىڭ ورىنباسارى س.سەمبييەۆ، اتالعان ورتالىقتىڭ باس مەنەدجەرى ا.سۇلەيمەنوۆ جانە سارىاعاش قالاسىنىڭ اكىمى س.سۇلەيمەنوۆا، اۋداننىڭ ءبولىم باسشىلارى مەن ماماندارى قاتىستى.

اتالعان جيىننىڭ ماقساتى قازاقستان رەسپۋبليكاسىنىڭ پرەزيدەنتى ن.ءا.نازاربايەۆتىڭ "سيفرلىق قازاقستان" مەملەكەتتىك باعدارلاماسى اياسىندا سارىاعاش قالاسىندا «Smart city – اقىلدى قالا» اتتى جاڭا كەشەندى جوبا جاساقتالۋدا. مۇنىڭ باستى ماقساتى –تۇرعىندار ءومىرىنىڭ قاۋىپسىزدىگىن قامتاماسىز ەتۋ، سونىمەن قاتار قوعامدىق ءتارتىپ پەن جول ەرەجەلەرىن ساقتاۋ، قورشاعان ورتانى قورعاۋ. "سيفرلىق قازاقستان" باعدارلاماسى حالىقتىڭ جۇمىسىن جەڭىلدەتىپ، ۋاقىتىن ءتيىمدى پايدالانۋعا مۇمكىندىك تۋعىزۋدا.

بۇگىندە سارىاعاش اۋدانىندا ساندىق فورماتقا كوشۋ بويىنشا قارقىندى جۇمىستار جۇرگىزۋدە. ماسەلەن، قازىرگى كۇنى دەنساۋلىق ساقتاۋ، ءبىلىم بەرۋ، قاۋىپسىزدىك، ترانسپورت جانە تۇرعىن ۇي-كوممۋنالدى شارۋاشىلىعى سياقتى ماڭىزدى سالالاردا ءبىرقاتار جوبا جۇزەگە اسىرىلىپ جاتىر.

 

سارىاعاش اۋدانى اكىمىنىڭ باسپا ءسوز قىزمەتى