مەملەكەت باسشىسى قاسىم-جومارت توقايەۆتىڭ باستاماسىمەن قولعا الىنعان «تازا قازاقستان» باعدارلاماسى تۇراقتى تۇردە سارىاعاش اۋدانى اۋماعىندا جۇرگىزىلۋدە، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
سەنبىلىك بارىسىندا سارىاعاش قالاسىنا قاراستى كوشەلەردىڭ بويىندا جيناقتالعان، بەي-بەرەكەت تاستالعان كۇل-قوقىستاردان تازارتۋ، قۋراعان اعاش بۇتالارىن كەسۋ، تالداردى رەتكە كەلتىرۋ جۇمىستارى جۇرگىزىلىپ، ارىق-اتىزداردى تازالاندى. «تازا قالا» كوممۋنالدىق مەملەكەتتىك مەكەمەسى تاراپىنان 4 ارنايى تەحنيكا جانە 35 جۇمىسكەر سەنبىلىك جۇمىستارىنا جۇمىلدىرىلدى.
تازالىق جۇمىستارىن ارنايى اۋدان اكىمى ارمان ابدۋللايەۆ جاياۋ ارالاپ كورىپ، سالا باسشىلارىنا تازالىق جۇمىستارىن تۇراقتى تۇردە جۇرگىزۋدى تاپسىردى.
