وسى ورايدا قازاقستان رەسپۋبليكاسى قورعانىس مينيسترلىگىنىڭ «تۇركىستان وبلىسى سارىاعاش قالاسىنىڭ قورعانىس ىستەرى جونىندەگى بىرىكتىرىلگەن ءبولىمى» رەسپۋبليكالىق مەملەكەتتىك مەكەمەسىندە «ەكسترەميزم جانە تەرروريزمنىڭ الدىن الۋ، تەرىس ماقساتتاعى ءدىني كوزقاراسقا جول بەرمەۋ» تاقىرىبىندا ءتۇسىندىرۋ جۇمىستارى جۇرگىزىلدى.
تەرروريزم مەن ەكسترەميزم دۇنيە ءجۇزiندە قازiرگi تاڭدا دiن ماسەلەسi وزەكتi تاقىرىپ بولىپ تۇر. تەرiس پيعىلدى، راديكالدى اعىمدار مەن سەكتالاردىڭ قۇربانىنا اينالعان قانشاما جان بار. ال، ول ادامدار بiر وتباسىنىڭ مۇشەسi بولىپ سانالادى.
قورىتىندىسىندا بۇنداي جاعدايعا تۇسكەن جان وتباسىنىڭ كۇيرەۋiنە سەبەپشi بولادى. سوندىقتان جاستار اراسىندا، جالپى قوعامدا تۇراقتى تۇردە كوپتەگەن ءىس-شارالار وتۋدە.
قازاقستان رەسپۋبليكاسىندا تەرروريزم مەن ءدىني ەكسترەميزمنىڭ الدىن الۋ، بولدىرماۋ ءۇشىن مەملەكەت تاراپىنان زاڭدىق تۇرعىدان نەگىز جاسالىنعان. قۇقىق قورعاۋ ورگاندارى جوعارى دەڭگەيدە تەرروريزم مەن ەكسترەميزمنىڭ بارلىق كورىنىستەرىن ەندى بوي كورسەتپەك بولعان كەزىندە توقتاتۋعا قاۋقارلى جانە سولاي ىستەپ كەلەدى دە.
كەزدەسۋ كەزىندە قىزمەتكەرلەرگە تەرروريزم مەن ەكسترەميزمنىڭ كورىنىستەرى بايقالاتىن جاعدايلارعا ءجىتى نازار اۋدارىپ ءجۇرۋ كەرەكتىگى دە ايتىلدى.
