تانىمال ساياساتتانۋشى دوسىم سەتپاەۆ سي تسزينپيننٸڭ قازاقستانعا ساپارىنىڭ مەنٸ تەرەڭدە ەكەنٸن ايتتى, - دەپ حابارلايدى Dalanews.kz.
يران مەن قىتاي اراقاتىناسى
يران قىتايعا ٸرٸ مۇناي جەتكٸزۋشٸلەردٸڭ بٸرٸ سانالادى. بيىل كٶكتەمدە يراننان قىتايعا مۇناي جەتكٸزۋ كٶلەمٸ تەۋلٸگٸنە 1,91 ميلليون باررەلگە جەتكەن. ال بىلتىر يران مەن قىتاي اراسىنداعى مۇناي ساۋداسىنىڭ كٶلەمٸ 34,1 ملرد دوللارعا جۋىقتاعان.
قىتايدى قازاقستاندا نە قىزىقتىرۋى مٷمكٸن?
ساراپشىنىڭ پٸكٸرٸنشە, قازٸرگٸ گەوساياسي احۋالعا بايلانىستى قازاقستان قىتاي ٷشٸن تارتىمدى باعىت بولۋى مٷمكٸن.
"يران مەن يزرايل اراسىنداعى قاقتىعىس ٶرشٸگەن كەزدە يزرايل يراننىڭ مۇناي-گاز ينفراقۇرىلىمىنا سوققى جاساي ما دەگەن سۇراق تۋىندايدى. ەزٸرگە سوققى جاسالعان جوق, ٶيتكەنٸ مۇنداي سوققى اقش تاراپىنان قولداۋ تابا قويماس ەدٸ, ترامپ ەكٸمشٸلٸگٸنٸڭ كەزٸندە مۇناي باعاسىنىڭ تٶمەن بولۋى ستراتەگييالىق ماقساتتاردىڭ بٸرٸ بولاتىن. بٸراق مۇنداي جاعىمسىز ستسەناريي جالعاسا بەرسە, ەسٸرەسە, يران ورمۋز بۇعازىن جابۋعا شەشٸم قابىلداسا, قازاقستان قىتايعا مۇناي جەتكٸزۋ تۇرعىسىنان تارتىمدى بولا الادى. ەزٸرگە از كٶلەمدە جەتكٸزٸلەدٸ. سي تسزينپيننٸڭ تاياۋ شىعىستاعى سوعىس باستالعان كەزدە قازاقستانعا ساپارى جاڭا مەنگە يە بولۋى مٷمكٸن", - دەدٸ ول.
سي تسزينپيننٸڭ قازاقستانعا ساپارى
16-17 ماۋسىم كٷندەرٸ مەملەكەت باسشىسى قاسىم-جومارت توقاەۆتىڭ شاقىرۋىمەن قازاقستانعا قىتاي حالىق رەسپۋبليكاسىنىڭ تٶراعاسى سي تسزينپين كەلەدٸ.
ساپار بارىسىندا جوعارى دەڭگەيدەگٸ ەكٸجاقتى كەزدەسۋلەر ٶتكٸزۋ جوسپارلانىپ وتىر.
