Tanymal saiasattanýshy Dosym Sátpaev Si Tszinpinniń Qazaqstanǵa saparynyń máni tereńde ekenin aitty, - dep habarlaidy Dalanews.kz.
Iran men Qytai araqatynasy
Iran Qytaiǵa iri munai jetkizýshilerdiń biri sanalady. Biyl kóktemde Irannan Qytaiǵa munai jetkizý kólemi táýligine 1,91 million barrelge jetken. Al byltyr Iran men Qytai arasyndaǵy munai saýdasynyń kólemi 34,1 mlrd dollarǵa jýyqtaǵan.
Qytaidy Qazaqstanda ne qyzyqtyrýy múmkin?
Sarapshynyń pikirinshe, qazirgi geosaiasi ahýalǵa bailanysty Qazaqstan Qytai úshin tartymdy baǵyt bolýy múmkin.
"Iran men Izrail arasyndaǵy qaqtyǵys órshigen kezde Izrail Irannyń munai-gaz infraqurylymyna soqqy jasai ma degen suraq týyndaidy. Ázirge soqqy jasalǵan joq, óitkeni mundai soqqy AQSh tarapynan qoldaý taba qoimas edi, Tramp ákimshiliginiń kezinde munai baǵasynyń tómen bolýy strategiialyq maqsattardyń biri bolatyn. Biraq mundai jaǵymsyz stsenarii jalǵasa berse, ásirese, Iran Ormýz buǵazyn jabýǵa sheshim qabyldasa, Qazaqstan Qytaiǵa munai jetkizý turǵysynan tartymdy bola alady. Ázirge az kólemde jetkiziledi. Si Tszinpinniń Taiaý Shyǵystaǵy soǵys bastalǵan kezde Qazaqstanǵa sapary jańa mánge ie bolýy múmkin", - dedi ol.
Si Tszinpinniń Qazaqstanǵa sapary
16-17 maýsym kúnderi Memleket basshysy Qasym-Jomart Toqaevtyń shaqyrýymen Qazaqstanǵa Qytai Halyq Respýblikasynyń tóraǵasy Si Tszinpin keledi.
Sapar barysynda joǵary deńgeidegi ekijaqty kezdesýler ótkizý josparlanyp otyr.
