دەپۋتاتتىق توسبەلگى تاققان وليمپيادا چەمپيونى وتىرىس باستالعانعا دەيىن باستى كەيىپكەر بولعانى انىق. سۋ جاڭا ارىپتەستەرى كەزەك-كەزەك قۇتتىقتاپ، ەستەلىككە سۋرەتكە دە ءتۇسىپ جاتتى.
سەرىك ساپييەۆ دەپ جازىلعان 35 نومەرلى ورىن كوزگە وتتاي باسىلدى. ولاي دەيتىنىمىز، جاڭا جىلعا دەيىن بۇل كرەسلودا مۇحتار تىنىكەيەۆ وتىرىپ كەلگەن بولاتىن. تابانى كۇرەكتەي 14 جىلداي ماجىلىستە دەپۋتات بولعان م.تىنىكەيەۆ مىرزا، ءماسليحات دەپۋتاتىن ۇرعان ۆيدەوسى ءۇشىن داۋعا قالعان ەدى. ارتىنشا مانداتىنان دا ايرىلدى.
ءوز كەزەگىندە ءماجىلىس سپيكەرى نۇرلان نىعماتۋلين سەرىك ساپييەۆتىڭ ءبىرىنشى تالقىلايتىن زاڭ جوباسى سپورتقا بايلانىستى ەكەندىگىن دە اتاپ ءوتتى. مادەنيەت جانە سپورت ءمينيسترى ارىستانبەك مۇحامەدي ۇلى بۇل قۇجاتتىڭ باستى ەرەكشەلىگى – بۇرىنعىداي فۋتبول سىندى بەلگىلى ءبىر سپورت تۇرىنە عانا ميلليونداپ قارجى بولىنبەيتىنىن ايتتى.
– بوكس، كۇرەستەن باسقا ءار ءوڭىردىڭ ەرەكشەلىگىنە قاراپ، ءبىزدىڭ قازاقستانعا ءتان ەمەس سپورتتىڭ تۇرلەرىن ءبىز دامىتۋىمىز كەرەك، – دەدى ق ر مادەنيەت جانە سپورت ءمينيسترى ارىستانبەك مۇحامەدي ۇلى.
بۇدان كەيىن دەپۋتاتتار ءوز ۇسىنىستارىن ايتتى. ازات پەرۋاشيەۆ بىلتىرعى دوپينگ داۋلارىن ەسكە سالىپ، وليمپيادا جۇلدەگەر بولىپ، ميلليونداپ سىياقى العاندار دوپينگپەن ۇستالسا، بارلىق سىيلىقتارىن قايتارۋىن جانە بۇل ىستە جاۋاپكەرشىلىكتى كۇشەيتۋدى كوتەردى.
ءوز كەزەگىندە مينيستر مۇنداي تولىقتىرۋدى ەنگىزۋىمىز مۇمكىن ەكەنىن العا تارتتى. ال، جاڭا عانا دەپۋتات اتانعان سەرىك ساپييەۆ بۇل تۇرعىدا ارىپتەستەرىمەن كەلىسپەيتىنىن ايتتى.
دەرەككوزى: 31 ارنا
