Depýtattyq tósbelgi taqqan Olimpiada chempiony otyrys bastalǵanǵa deiin basty keiipker bolǵany anyq. Sý jańa áriptesteri kezek-kezek quttyqtap, estelikke sýretke de túsip jatty.
Serik Sápiev dep jazylǵan 35 nomerli oryn kózge ottai basyldy. Olai deitinimiz, jańa jylǵa deiin bul kresloda Muhtar Tinikeev otyryp kelgen bolatyn. Tabany kúrektei 14 jyldai Májiliste depýtat bolǵan M.Tinikeev myrza, máslihat depýtatyn urǵan videosy úshin daýǵa qalǵan edi. Artynsha mandatynan da airyldy.
Óz kezeginde Májilis spikeri Nurlan Nyǵmatýlin Serik Sápievtiń birinshi talqylaityn zań jobasy sportqa bailanysty ekendigin de atap ótti. Mádeniet jáne sport ministri Arystanbek Muhamediuly bul qujattyń basty ereksheligi – burynǵydai fýtbol syndy belgili bir sport túrine ǵana milliondap qarjy bólinbeitinin aitty.
– Boks, kúresten basqa ár óńirdiń ereksheligine qarap, bizdiń Qazaqstanǵa tán emes sporttyń túrlerin biz damytýymyz kerek, – dedi QR Mádeniet jáne sport ministri Arystanbek Muhamediuly.
Budan keiin depýtattar óz usynystaryn aitty. Azat Perýashev byltyrǵy doping daýlaryn eske salyp, Olimpiada júldeger bolyp, milliondap syiaqy alǵandar dopingpen ustalsa, barlyq syilyqtaryn qaitarýyn jáne bul iste jaýapkershilikti kúsheitýdi kóterdi.
Óz kezeginde ministr mundai tolyqtyrýdy engizýimiz múmkin ekenin alǵa tartty. Al, jańa ǵana depýtat atanǵan Serik Sápiev bul turǵyda áriptesterimen kelispeitinin aitty.
Derekkózi: 31 arna
