ايماق باسشىسى بەردىبەك ساپاربايەۆ جاڭا اكىمدى اۋدان اكتيۆىنە تانىستىردى. ءوڭىر باسشىسى جاڭا اكىمگە اۋداننىڭ الەۋمەتتىك-ەكونوميكالىق دامۋى، زاڭدىلىق پەن قۇقىقتىق ءتارتىپتى ساقتاۋ، قوعامداعى بىرلىك پەن كەلىسىمدى نىعايتۋ بويىنشا ءبىرقاتار مىندەتتەر جۇكتەدى.
"ءبىز اۋدانداعى تۇراقتىلىق پەن قاۋىپسىزدىكتى قامتاماسىز ەتۋ ءۇشىن بارلىق جاعدايدى قولعا الدىق. بۇل مەملەكەت باسشىسىنىڭ تاپسىرماسى. زاڭدى بۇزعاندار زاڭ الدىندا جاۋاپ بەرەدى"، - دەدى ب.ساپاربايەۆ.
سونداي-اق، اۋداننىڭ جاڭا باسشىسىنا كوكتەمگى ەگىس جۇمىستارىنا دايىندىق بارىسىن باقىلاۋعا الۋ، ءبىلىم بەرۋ جانە مەديسينالىق قىزمەت كورسەتۋ ساپاسىن جاقسارتۋ، جاستار اراسىندا تاربيە جۇمىسىن كۇشەيتۋ ءتيىستى بويىنشا شارالار قابىلداۋ تاپسىردى.
سونىمەن قاتار، بەردىبەك ساپاربايەۆ اۋدان تۇرعىندارىن الىپ-قاشپا اڭگىمەلەر مەن ارانداتۋشىلىققا سەنبەۋگە، تەك رەسمي اقپارات كوزدەرىنە سەنىم ارتۋعا شاقىردى.
ايتا كەتەيىك، رۇستەم رىسباي ۇلى داۋلەت 1974 جىلى جامبىل وبلىسىندا تۋعان. ءبىلىمى جوعارى، 1996 جىلى جامبىل جوعارى كاسىپكەرلىك مەكتەبىن «كاسىپكەر-ماركەتولوگ»، 2003 جىلى قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىن «مەملەكەتتىك باسقارۋ»، 2010 جىلى م.ح.دۋلاتي اتىنداعى تاراز مەملەكەتتىك ۋنيۆەرسيتەتىن قۇقىقتانۋ» ماماندىعى بويىنشا بىتىرگەن.
ەڭبەك جولىن 1994 جىلى «بوستاندىق» اكسيونەرلىك قوعامىندا قاراپايى جۇمىسشى بولىپ باستاعان.
ءار جىلدارى تالاس اۋدانى بوستاندىق اۋىلدىق وكرۋگى اكىمىنىڭ ورىنباسارى، اكىمى، قاراتاۋ قالاسى اكىمىنىڭ ورىنباسارى، قازاقستان رەسپۋبليكاسى پارلامەنتى سەناتى اپپاراتىنىڭ كەڭەسشىسى، قازاقستان رەسپۋبليكاسى يندۋستريا جانە ساۋدا مينيسترلىگىنىڭ ساۋدا كوميتەتىنىڭ باسقارما باستىعى، «ALIT» ج ش س باس ديرەكتورىنىڭ ورىنباسارى، قازاقستان رەسپۋبليكاسى پارلامەنتى سەناتى ءتوراعاسى ورىنباسارىنىڭ كومەكشىسى، قازاقستان رەسپۋبليكاسى پارلامەنتى سەناتى دەپۋتاتىنىڭ كومەكشىسى، جامبىل اۋدانى اكىمىنىڭ ورىنباسارى، جامبىل جانە شۋ اۋداندارىنىڭ اكىمى، تاراز قالاسىنىڭ اكىمى قىزمەتتەرىن اتقارعان.
2018 جىلدىڭ ءساۋىر ايىنان باستاپ جامبىل وبلىسى اكىمىنىڭ كەڭەسشىسى، 2019 جىلعى ساۋىردەن باستاپ جامبىل وبلىسى اكىمى اپپاراتىنىڭ باسشىسى قىزمەتىن اتقارىپ كەلدى
