Aimaq basshysy Berdibek Saparbaev jańa ákimdi aýdan aktivine tanystyrdy. Óńir basshysy jańa ákimge aýdannyń áleýmettik-ekonomikalyq damýy, zańdylyq pen quqyqtyq tártipti saqtaý, qoǵamdaǵy birlik pen kelisimdi nyǵaitý boiynsha birqatar mindetter júktedi.
"Biz aýdandaǵy turaqtylyq pen qaýipsizdikti qamtamasyz etý úshin barlyq jaǵdaidy qolǵa aldyq. Bul Memleket basshysynyń tapsyrmasy. Zańdy buzǵandar zań aldynda jaýap beredi", - dedi B.Saparbaev.
Sondai-aq, aýdannyń jańa basshysyna kóktemgi egis jumystaryna daiyndyq barysyn baqylaýǵa alý, bilim berý jáne meditsinalyq qyzmet kórsetý sapasyn jaqsartý, jastar arasynda tárbie jumysyn kúsheitý tiisti boiynsha sharalar qabyldaý tapsyrdy.
Sonymen qatar, Berdibek Saparbaev aýdan turǵyndaryn alyp-qashpa áńgimeler men arandatýshylyqqa senbeýge, tek resmi aqparat kózderine senim artýǵa shaqyrdy.
Aita keteiik, Rústem Rysbaiuly Dáýlet 1974 jyly Jambyl oblysynda týǵan. Bilimi joǵary, 1996 jyly Jambyl joǵary kásipkerlik mektebin «kásipker-marketolog», 2003 jyly Qazaqstan Respýblikasy Prezidenti janyndaǵy Memlekettik basqarý akademiiasyn «memlekettik basqarý», 2010 jyly M.H.Dýlati atyndaǵy Taraz memlekettik ýniversitetin quqyqtaný» mamandyǵy boiynsha bitirgen.
Eńbek jolyn 1994 jyly «Bostandyq» aktsionerlik qoǵamynda qarapaiy jumysshy bolyp bastaǵan.
Ár jyldary Talas aýdany Bostandyq aýyldyq okrýgi ákiminiń orynbasary, ákimi, Qarataý qalasy ákiminiń orynbasary, Qazaqstan Respýblikasy Parlamenti Senaty Apparatynyń keńesshisi, Qazaqstan Respýblikasy Indýstriia jáne saýda ministrliginiń Saýda komitetiniń basqarma bastyǵy, «ALIT» JShS bas direktorynyń orynbasary, Qazaqstan Respýblikasy Parlamenti Senaty tóraǵasy orynbasarynyń kómekshisi, Qazaqstan Respýblikasy Parlamenti Senaty depýtatynyń kómekshisi, Jambyl aýdany ákiminiń orynbasary, Jambyl jáne Shý aýdandarynyń ákimi, Taraz qalasynyń ákimi qyzmetterin atqarǵan.
2018 jyldyń sáýir aiynan bastap Jambyl oblysy ákiminiń keńesshisi, 2019 jylǵy sáýirden bastap Jambyl oblysy ákimi apparatynyń basshysy qyzmetin atqaryp keldi
