ساپارباەۆ باسپەن «جۇمىس ٸستەمەيتٸن» شەندٸلەردٸ سىنادى
– مىنا دٷنيەلەردٸ كٶرسەتۋگە ۇيالساڭدارشى. سەندەردە وي جوق پا? باسپەن جۇمىس ٸستەمەيسٸڭدەر, ويلانبايسىڭدار. اۋىل مەن قالادا تۇرعىزىلاتىن بٸلٸم, مەدەنيەت, دەنساۋلىق ساقتاۋ نىساندارىنىڭ عيماراتى اۋلا ٸشٸندەگٸ ساراي سيياقتى. ەش يدەيا جوق, جوبالاۋشىلاردىڭ بٸلٸكتٸلٸگٸ جەتپەيدٸ. بولماسا عالامتوردى قاراڭدار, – دەدٸ بەردٸبەك ساپارباەۆ.
اقتٶبەدە 3 پەن 6 جاس ارالىعىنداعى بالالاردى باقشامەن قامتۋ 92 پايىزدى قۇراپ وتىر. بيىل بٷلدٸرشٸندەردٸ مەكتەپكە دەيٸنگٸ ۇيىمدارعا ورنالاستىرۋدى ٶڭٸردە 97 پايىزعا جەتكٸزۋ كەرەك. مۇنداي تاپسىرمانى وبلىس ەكٸمٸ بەردٸبەك ساپارباەۆ وبلىستىق بٸلٸم باسقارماسىنىڭ باسشىسى سەۋلە ٶمٸربەكوۆاعا تاپسىردى.
– ەگەر بٸز مەملەكەتتٸك-جەكە كەسٸپكەرلٸك جٷيەسٸ بويىنشا جۇمىس جاساساق, بٷلدٸرشٸندەردٸ بالاباقشامەن قامتۋدى وسى جىلى 97-98 پايىزعا دەيٸن جەتكٸزۋمٸزگە بولادى. اقتٶبە قالاسىنان باسقا, اۋدانداردىڭ بارلىعىندا بالالاردى باقشامەن 100 پايىز قامتاماسىز ەتۋگە تولىق مٷمكٸندٸك بار. ول ٷشٸن مەكتەپتەردٸ قاراپ, بالالار سانى ەسەپكە الىنۋى تيٸس. كەيٸن جوسپار قۇرىلسىن. مۇنى مەن بۇعان دەيٸن دە تاپسىرعانمىن. الايدا ەش نەتيجە جوق, –دەيدٸ وبلىس ەكٸمٸ بەردٸبەك ساپارباەۆ.
بيىل ايماقتا 8500 بالاعا ارنالعان 20 مەكتەپتٸڭ قۇرىلىسىن باستاۋ جوسپارلانعان. وسى جىلى 14 قۇرىلىس جۇمىسى اياقتالىپ, التاۋى 2018 جىلى پايدالانۋعا بەرٸلەدٸ. جاڭا مەكتەپتەر بوي كٶتەرٸپ, ەسكٸلەرٸ بوس قالادى. ٶڭٸر باسشىسى ەسكٸ بٸلٸم مەكەمەلەرٸن جٶندەۋدەن ٶتكٸزٸپ, ودان ەرٸ بالاباقشا رەتٸندە پايدالانۋدى تاپسىردى. بىلتىر اقتٶبەدە 32 ەلەۋمەتتٸك نىساننىڭ قۇرىلىسى باستالىپ, 23-ٸ پايدالانىلۋعا بەرٸلدٸ. 9 نىساننىڭ قۇرىلىسى بيىل جالعاسادى. ال, بارلىعى 650 شارشى مەتر تۇرعىن ٷي بەرٸلەدٸ.
