وسى رەتتە ۋنيۆەرسيادا ويىندارىنىڭ كۇمىس جۇلدەگەرى، گيمناستشى ناريمان قۇربانوۆ الماتى قالاسى اكىمى باعىتجان ساعىنتايەۆتىڭ قالادا سپورتتى دامىتۋعا ايرىقشا كوڭىل ءبولىپ وتىرعانىنا ريزاشىلىعىن ءبىلدىرىپتى.
– شاھار باسشىسى باقىتجان ساعىنتايەۆتىڭ سپورت سالاسىنا كوڭىل ءبولۋى ءبىزدى قۋانتىپ جاتىر. قازىرگى تاڭدا الماتىدا سپورتتىق نىساندار كوپتەپ سالىنىپ جاتىر. بۇل الماتى قالاسى ينفراقۇرىلىمىنىڭ دامۋىنا، قالا تۇرعىندارىنىڭ سالاۋاتتى ءومىر سالتىن ۇستانۋىنا كوپ سەپتىگىن تيگىزەدى.
سونىمەن قاتار ءبىزدىڭ بولاشاق چەمپيونداردىڭ شىعۋىنا دا اسەر ەتەدى. ءبىز، الماتىلىق سپورتشىلار، كوك تۋىمىزدى جەلبىرەتەتىن ءىزباسارلارىمىزدىڭ كوپ بولعانىن قالايمىز. تالانتتى، قابىلەتتى جاستار جارىققا شىعىپ، وزدەرىن سپورت الەمىندە سىناپ كورۋلەرى ءۇشىن ەڭ ءبىرىنشى ولاردىڭ دامۋىنا قولايلى ورتا تۋعىزۋ وتە ماڭىزدى. وسى ورايدا قالا باسشىلىعى نەبىر باستامالاردى كوتەرىپ جاتىر. اسىرەسە، شەتكى اۋداندارعا كوڭىل ءبولىپ جاتقانى وتە ورىندى دەپ ەسپەتەيمىن. ويتكەنى قالانىڭ شەت جاعىندا حالىق كوپ، بالالاردىڭ دامۋىنا مۇنداي ورتالىقتار اسا قاجەت، – دەپ گيمناستشى ناريمان قۇربانوۆ ءوز ويىن ورتاعا سالدى.
