«سامۇرىق-قازىنا» اق باسقارما تٶراعاسى نۇرلان جاقىپوۆ شىعىس قازاقستان وبلىسىنا جۇمىس ساپارى بارىسىندا ٶسكەمەن قالاسىنداعى انا مەن بالا ورتالىعىنا باردى, دەپ حابارلايدى Dala News.
انا مەن بالا ورتالىعىندا جاساندى ينتەللەكت تەحنولوگييالارى مەن ناۆيگاتسييالىق جٷيە بٸرٸكتٸرٸلگەن Remebot RM-200 نەيروحيرۋرگييالىق وپەراتسييالاردى جوسپارلاۋ روبوتى ورناتىلادى. بۇل جٷيەنٸڭ ەنگٸزٸلۋٸ بالالارعا كٶرسەتٸلەتٸن مامانداندىرىلعان نەيروحيرۋرگييالىق كٶمەكتٸ جاڭا تەحنولوگييالىق دەڭگەيگە كٶتەرۋگە مٷمكٸندٸك بەرەدٸ.
جٷيە دەرٸگەرلەرگە وپەراتسييا بارىسىن الدىن الا جوسپارلاپ, ناۋقاستىڭ ميىنىڭ دەل 3D-مودەلٸن جاساۋعا جەنە حيرۋرگييالىق ارالاسۋدىڭ ەڭ قاۋٸپسٸز تراەكتوريياسىن انىقتاۋعا مٷمكٸندٸك بەرەدٸ. روبوتتاندىرىلعان مانيپۋلياتور مەديتسينالىق قۇرالدى بەلگٸلەنگەن باعىتتا ميلليمەتردٸڭ ٷلەسٸنە دەيٸنگٸ دەلدٸكپەن ۇستاپ تۇرادى. بۇل ساۋ تٸندەردٸڭ زاقىمدانۋ قاۋپٸن ازايتىپ, وپەراتسييادان كەيٸنگٸ اسقىنۋلاردىڭ الدىن الۋعا جەنە پاتسيەنتتەردٸڭ مٷگەدەكتٸككە ۇشىراۋ قاۋپٸن تٶمەندەتۋگە ىقپال ەتەدٸ.
جاڭا جابدىقتىڭ ٸسكە قوسىلۋى شىعىس قازاقستان, پاۆلودار جەنە اباي وبلىستارىنىڭ تۇرعىندارى ٷشٸن مامانداندىرىلعان جەنە جوعارى مامانداندىرىلعان نەيروحيرۋرگييالىق كٶمەكتٸڭ ساپاسى مەن قولجەتٸمدٸلٸگٸن ارتتىرۋعا مٷمكٸندٸك بەرەدٸ. ەپيلەپسييا, مي ٸسٸكتەرٸ جەنە جٷيكە جٷيەسٸنٸڭ باسقا دا اۋرۋلارى بار بالالار قاجەتتٸ مەديتسينالىق كٶمەك الا الادى. كەشەننٸڭ جىلدىق قۋاتى 500–750 وپەراتسيياعا دەيٸن جەتەدٸ. جابدىقتى ورناتۋ جەنە پايدالانۋعا بەرۋ 2026 جىلدىڭ تٶرتٸنشٸ توقسانىنا جوسپارلانعان.
«سامۇرىق-قازىنا» كورپوراتيۆتٸك ەلەۋمەتتٸك جاۋاپكەرشٸلٸكتٸ ادامداردىڭ ٶمٸر سٷرۋ ساپاسىنا باعىتتالعان ۇزاق مەرزٸمدٸ ينۆەستيتسييا رەتٸندە قاراستىرادى. 2023 جىلدان بەرٸ قور جالپى سوماسى 880 ملرد تەڭگەدەن اساتىن 100-دەن استام ەلەۋمەتتٸك ماڭىزى بار جوبانى ٸسكە اسىردى. بۇل جۇمىستىڭ ەلەۋلٸ بٶلٸگٸ دەنساۋلىق ساقتاۋ سالاسىمەن بايلانىستى: ٶڭٸرلەردە اۋرۋحانالار مەن مەديتسينالىق ورتالىقتار سالىنىپ, زاماناۋي جابدىقتار ساتىپ الىنادى. بالالاردى وڭالتۋدى دامىتۋعا دا ەرەكشە كٶڭٸل بٶلٸنەدٸ: بٷگٸندە ەل بويىنشا 55 وڭالتۋ ورتالىعى اشىلىپ, 21 مىڭنان استام بالاعا كٶمەك كٶرسەتٸلدٸ. قوردىڭ قولداۋىنىڭ ارقاسىندا ٶڭٸرلەردە جوعارى تەحنولوگييالىق مەديتسينالىق كٶمەك قولجەتٸمدٸ بولا تٷستٸ. شقو-داعى بٷگٸنگٸ جوبا - سونىڭ بٸر مىسالى», – دەدٸ نۇرلان جاقىپوۆ.
سوڭعى 10 جىلدا شىعىس قازاقستان وبلىسىندا قايىرىمدىلىقتىڭ بٸرىڭعاي وپەراتورى – «Samruk-Kazyna Trust» قورى ارقىلى جالپى قۇنى 1,9 ملرد تەڭگەنٸ قۇرايتىن 25 جوبا جٷزەگە اسىرىلدى. ٶڭٸردە بالالار ٷيلەرٸنٸڭ 50 تەربيەلەنۋشٸسٸنە ارنالعان Samruk Úmiti كەسٸپتٸك باعدار بەرۋ جوباسى ٸسكە اسىرىلۋدا. ٶسكەمەن قالاسىندا ٷش «قامقورلىق» وڭالتۋ ورتالىعى جۇمىس ٸستەيدٸ. سونىمەن قاتار شۇبارقۇدىق اۋىلىندا ارالاس ٷلگٸدەگٸ Ainala ورتالىعى قىزمەت كٶرسەتەدٸ.
