«سامۇرىق-قازىنا» قورىنىڭ 2026 جىلدىڭ العاشقى التى ايىنداعى نەگٸزگٸ قارجىلىق كٶرسەتكٸشتەرٸ ٶتكەن جىلدىڭ سەيكەس كەزەڭٸمەن سالىستىرعاندا ٶستٸ, دەپ حابارلايدى dalanews.kz.
استانادا «سامۇرىق-قازىنا» اق قوعامدىق كەڭەسٸنٸڭ قارجىلىق نەتيجەلەرگە ارنالعان وتىرىسى ٶتتٸ. جيىنعا قوعامدىق كەڭەس تٶراعاسى بولات جەمٸشەۆ جەتەكشٸلٸك ەتتٸ.
«سامۇرىق-قازىنا» اق ەكونوميكا جەنە قارجى جٶنٸندەگٸ باسقارۋشى ديرەكتورى ايدار رىسقۇلوۆتىڭ ايتۋىنشا, 2026 جىلدىڭ قاڭتار-ماۋسىم ايلارىندا قوردىڭ تٷسٸمٸ ٶتكەن جىلدىڭ وسى كەزەڭٸمەن سالىستىرعاندا 21%-عا ارتقان.
وسى كەزەڭدە تازا پايدا 18%-عا, ال EBITDA كٶرسەتكٸشٸ 15%-عا ٶسكەن. سونىمەن قاتار قوردىڭ بٸرقاتار ٶندٸرٸستٸك كٶرسەتكٸشتەرٸ بويىنشا دا وڭ ديناميكا قالىپتاسقان. اتاپ ايتقاندا, ۋران ٶندٸرۋ كٶلەمٸ, جٷك اينالىمى جەنە ترانزيت كٶرسەتكٸشتەرٸ ارتقان.
«سامۇرىق-قازىنا» اكتيۆتەرٸنٸڭ كٶلەمٸ بويىنشا ەلەمدەگٸ ەڭ ٸرٸ 21 تەۋەلسٸز ەل-اۋقات قورىنىڭ قاتارىنا كٸرەدٸ. بۇل SWFI-دٸڭ 2025 جىلعى رەيتينگٸنە سەيكەس كەلەدٸ.
قور اكتيۆتەرٸنٸڭ كٶلەمٸ دە تۇراقتى ٶسٸپ كەلەدٸ. 2022 جىلى بۇل كٶرسەتكٸش 33,6 ترلن تەڭگە بولسا, 2026 جىلدىڭ بٸرٸنشٸ جارتىجىلدىعىنىڭ قورىتىندىسىندا 46,7 ترلن تەڭگەگە جەتتٸ. وسىلايشا, سوڭعى جىلدارى اكتيۆتەر كٶلەمٸ جىل سايىن ورتا ەسەپپەن 10%-عا ۇلعايعان.
ايدار رىسقۇلوۆتىڭ مەلٸمەتٸنشە, 2026 جىلدىڭ قاڭتار-ماۋسىم ايلارىندا قور اكتيۆتەرٸنٸڭ ٶسٸمٸ شامامەن 5%-دى قۇرادى. بۇل كٶرسەتكٸش قور اكتيۆتەرٸنٸڭ ورتاشا جىلدىق ٶسۋ قارقىنىنا سەيكەس كەلەدٸ.
قوردىڭ نەگٸزگٸ مٸندەتتەرٸنٸڭ بٸرٸ – پورتفەلدٸك كومپانييالاردىڭ قۇنىن جەنە ولاردىڭ تازا اكتيۆتەرٸن ودان ەرٸ ارتتىرۋ. سونىمەن قاتار «سامۇرىق-قازىنا» قازاقستان ەكونوميكاسىنا تٸكەلەي شەتەلدٸك ينۆەستيتسييالار تارتۋعا ىقپال ەتۋدٸ كٶزدەيدٸ.
قوردىڭ قارجىلىق تۇراقتىلىعى حالىقارالىق كرەديتتٸك رەيتينگتەرمەن دە راستالادى. Fitch Ratings «سامۇرىق-قازىناعا» BBB دەڭگەيٸندەگٸ رەيتينگ بەرٸپ, بولجامىن «تۇراقتى» دەپ باعالاعان. Moody’s اگەنتتٸگٸ قوردىڭ رەيتينگٸن Baa1 دەڭگەيٸندە ساقتاپ, بولجامىن «تۇراقتى» دەپ بەلگٸلەدٸ.
