كەزدەسۋ بارىسىندا قازاقستان پرەزيدەنتىنە ۇلتتىق ءال-اۋقات قورىنىڭ 2019 جىلعى جۇمىستارىنىڭ ناتيجەلەرى باياندالدى. احمەتجان ەسىموۆتىڭ ايتۋىنشا، قوردىڭ نەگىزگى وندىرىستىك جانە قارجىلىق كورسەتكىشتەرى ارتقان. كىرىس كولەمى 2018 جىلعى 10،1 تريلليون تەڭگەدەن 2019 جىلى 10،7 تريلليون تەڭگەگە ارتىپ، تازا پايدا 2018 جىلى 1،1 تريلليون تەڭگە، ال 2019 جىلى 1،2 تريلليون تەڭگە بولدى.
قوردىڭ اكتيۆتەرى 10 پايىزعا ارتىپ، 26،5 تريلليون تەڭگەگە جەتتى. سونىمەن قاتار «سامۇرىق-قازىنا» ءۇاق» اكسيونەرلىك قوعامىنىڭ باسقارما ءتوراعاسى وتاندىق ءوندىرىستى قولداۋعا، ساتىپ الۋلار ىسىندەگى جەرگىلىكتى كاسىپورىنداردىڭ ۇلەسىن قامتاماسىز ەتۋگە باعىتتالعان كەشەندى شارالار ەنگىزۋ جونىندە مالىمەت بەردى.
