"سامۇرىق-قازىنا" ۇلتتىق ەل-اۋقات قورىنىڭ باسقارما تٶراعاسى نۇرلان جاقىپوۆ قور باسشىلىعىنىڭ ايلىعى مەن ٷستەماقىسى تۋرالى قويىلعان سۇراققا ناقتى جاۋاپ بەرۋدەن باس تارتتى, دەپ حابارلايدى Dalanews.kz.
اقوردا دەلٸزٸندە تٸلشٸلەر جاقىپوۆتان توپ-مەنەدجمەنتتٸڭ جوعارى جالاقىسىن سۇرادى.
"بۇل – فيلوسوفييالىق سۇراق. بٸز كورپوراتيۆتٸك ەتيكا مەن زاڭ تالاپتارىنا باعىنا وتىرىپ ەرەكەت ەتەمٸز. جالاقى مەن بونۋستار جايلى اقپاراتتى جارييا ەتۋگە زاڭمەن شەكتەۋ قويىلعان. بۇل دۇرىس پا, ەلدە بۇرىس پا – ونى ۋاقىت كٶرسەتەدٸ. مٷمكٸن, قولدانىستاعى قۇقىقتىق-نورماتيۆتٸك قۇجاتتاردى قايتا قاراپ, ٶزگەرٸس ەنگٸزۋ كەرەك شىعار", – دەدٸ ول.
ايتا كەتەيٸك, بۇعان دەيٸن قارجىگەر-مامان ٸليياس يساەۆ "سامۇرىق-قازىنا" ۇلتتىق ەل-اۋقات قورىن تاراتۋ تۋرالى مەسەلەنٸڭ مەجٸلٸس قابىرعاسىندا كٶتەرٸلۋٸن كەزدەيسوقتىق ەمەس ەكەنٸن ايتقان ەدٸ.
ونىڭ ايتۋىنشا, بۇل قورعا رەفورمالاۋ سيپاتىندا بىلتىردان باستاپ "تٷرەن" سالىنعان. ال بيىل, 2025 جىلى 27 قاڭتاردا ٶتكەن ٷكٸمەتتٸڭ كەڭەيتٸلٸگەن وتىرىسىندا مەملەكەت باسشىسى "سامۇرىق-قازىنا" ۇلتتىق ەل-اۋقات قورىن رەفورمالاۋ بارىسىنا كٶڭٸلٸ تولمايتىنىن جەتكٸزگەن, سٶيتٸپ اقپان ايىندا بۇل مەسەلەنٸ ماي-شاممەن قارايتىنىن ايتقان. ال 21 اقپاندا پرەزيدەنت جوعارى اۋديتورلىق پالاتا تٶراعاسى ەليحان سمايلوۆتى قابىلداعاندا "سامۇرىق-قازىنا" مەن بٸرقاتار ۇلتتىق كومپانييالارلارعا اۋديتورلىق تەكسەرٸس جٷرگٸزٸلەتٸنٸ دە بەلگٸلٸ بولدى.
"مەنٸڭشە, وسى اۋديتورلىق تەكسەرٸس جۇمىستارى ەلٸ اياقتالماي جاتىر. ەرينە, قورداعى كومپانييالار, ولاردىڭ ەنشٸلەستەرٸ, تاعى فيليالدارى, ولارمەن سەرٸكتەسە جۇمىس ٸستەگەن قارجى ينستۋتتارى دەپ تەكسەرٸپ كەتە بەرسە, بۇل - ۇزاققا سوزىلاتىن پروتسەسس. ەڭ باستىسى, مەملەكەت ٸشٸندەگٸ مەملەكەت ٸسپەتتٸ بۇل قور ەكونوميكانى وڭتايلاندىرۋ ەمەس, ٷلكەن اقشانى ۇرلاۋ, سونىڭ ٸزٸن جاسىرۋ ٸستەرٸمەن اينالىساتىن سيياقتى. ەيتپەسە, قور ٸشٸندەگٸ كەيبٸر كومپانييالار كەزٸندە جىل قورىتىندىسى بويىنشا مينۋسقا كەتٸپ جاتسا دا ولاردىڭ مەنەدجەرلەرٸ بەرٸبٸر قىرىپ بونۋستار الاتىن. مۇنى قالاي تٷسٸنۋگە بولادى? بۇعان ايران-اسىر بولىپ, مەسەلە كٶتەرگەنٸمٸزبەن وسى كٷنگە دەيٸن وعان جاۋاپ الا العان ەمەسپٸز. ەرينە, بۇل قوردىڭ تارالعانىن قۇپتايمىن", - دەيدٸ ٸليياس يساەۆ ٶز كەزەگٸندە.
قارجىگەردٸڭ ايتۋىنشا, پرەزيدەنت اۋديت قورىتىندىسىن كٷتٸپ وتىرعان بولۋى كەرەك.
"ٶتكەندە مەملەكەت باسشىسى قازاقستان دامۋ بانكٸن قاتتى سىنعا الدى.
سول كەزدە "سامۇرىق-قازىنانى" دا ايتىپ قالادى ما" دەپ كٷتكەن ەدٸك. بٸراق, بۇل رەتتە ول كٸسٸ ٷنسٸز قالدى. سوعان قاراعاندا, بەلكٸم اۋديت قورىتىندىلارى ەلٸ شىقپاعان بولار", - دەيدٸ مامان.
قارجىگەردٸڭ پٸكٸرٸنشە, شەتەلگە توقتاماي, اعىلىپ كەتٸپ جاتقان اقشانىڭ ارتىندا وسى "ٷلكەن قۇس" تۇرعان سەكٸلدٸ.
"مەنٸڭشە, وسى "سامۇرىق-قازىنا" قورى جوعالسا, ەسكٸ قازاقستاننىڭ دا دەۋٸرٸ تەمامدالاتىن سيياقتى", - دەيدٸ يساەۆ.
سٶز سوڭىندا ول "بەيتەرەك" حولدينگٸ "سامۇرىق-قازىنانىڭ" "بٶلەسٸ" ەكەنٸن ەسكە سالا وتىرىپ, سوڭعىسىن تاراتسا, وندا حولدينگپەن بايلانىستى قوردالانعان مەسەلەنٸ شەشۋ ونشا اۋىر بولمايتىنىن ايتادى. ٶيتكەنٸ, سالىستىرمالى تٷردە اتالعان قورعا قاراعاندا حولدينگ كٶلەمٸ شاعىنداۋ ەكەن.
