3 قىركۇيەكتە قازاقستاننىڭ ەكس-پرەزيدەنتى نۇرسۇلتان نازاربايەۆتىڭ نەمەرە ءىنىسى قايرات ساتىبالدى ۇلى بوستاندىققا شىقتى، - دەپ حابارلايدى Dalanews.kz.
جۋرناليست ميحايل كوزاچكوۆتىڭ سوزىنشە، قايرات ساتىبالدىۇلىن سامات ءابىش كۇتىپ العان.
ايتا كەتەيىك، سامات ءابىشتىڭ ءوزى 8 جىلعا شارتتى تۇردە سوتتالعان بولاتىن. سوت ۇكىمىمەن سامات ءابىش ق ر قك 362-بابىنىڭ 4-بولىگىندە (بيلiكتi نەمەسە لاۋازىمدىق وكiلەتتiكتەردى اسىرا پايدالانۋ) كوزدەلگەن قىلمىستى جاساعانى ءۇشىن كىنالى دەپ تانىلدى. سوت جازا تاعايىندار الدىندا سامات ءابىشتىڭ كىشكەنتاي بالالارىنىڭ بولۋىن جانە ونىڭ شىن جۇرەكتەن وكىنۋىن ەسكەرگەن. ال جازانى اۋىرلاتاتىن ءمان-جايلار انىقتالماپتى.
ال قايرات ساتىبالدى قالعان 3 جىل، 3 اي جانە 7 كۇن جازا مەرزىمىن الماتىدا پروباسيالىق باقىلاۋدا بولىپ وتەيدى.
16 تامىزدا قايرات ساتىبالدى ۇلى مەرزىمىنەن بۇرىن بوستاندىققا شىعاتىنى بەلگىلى بولدى. ونىڭ جازاسىن شەكتەۋ شاراسىنا اۋىستىرۋ تۋرالى ءوتىنىشى قاناعاتتاندىرىلعان.
بۇل تۋرالى وسكەمەن سوتى حابارلادى.
"وسكەمەن قالاسىنىڭ №2 سوتى سوتتالعان قايرات ساتىبالدىنىڭ جازاسىنىڭ وتەلمەگەن بولىگىن جازانىڭ نەعۇرلىم جەڭىل تۇرىنە اۋىستىرۋ تۋرالى ءوتىنىشحاتىن قارادى. قايرات ساتىبالدى مۇلكى تاركىلەنىپ، مەملەكەتتىك قىزمەت اتقارۋ قۇقىعىنان 10 جىلعا دەيىنگى مەرزىمگە ايىرىلا وتىرىپ، 6 جىلعا باس بوستاندىعىنان ايىرىلعان بولاتىن. سوتتالعان ءوزىنىڭ ءوتىنىشحاتىندا جازاسىنىڭ وتەلمەگەن بولىگىن نەعۇرلىم جەڭىل تۇرىنە اۋىستىرۋ تۋرالى ءوتىنىشحاتىن بەرۋ ءۇشىن زاڭنىڭ بارلىق تالاپتارىن ورىنداعانىن اتاپ كورسەتكەن"، - دەپ جازدى سوت.
ال بۇعان دەيىن ءماجىلىس دەپۋتاتى ەرمۇرات باپي بەلسەندى تۇردە اكتيۆتەرىن قايتارىپ جاتقان قايرات ساتىبالدى ۇلى بوستاندىققا شىعۋى مۇمكىن دەپ قاۋىپتەنىپ، ارتىنشا ونىڭ بولجامى ورىندالدى.
