سالىق تولەۋدەن جالتارعان كۇدىكتى بىرىككەن اراب امىرلىكتەرىنەن قازاقستانعا ەكستراديسيالاندى، دەپ حابارلايدى Dalanews.kz.
باس پروكۋراتۋرا مەن قارجى مونيتورينگى اگەنتتىگىنىڭ قىزمەتكەرلەرى بىرىككەن اراب امىرلىكتەرىندەگى قازاقستان ەلشىلىگىنىڭ قولداۋىمەن سالىق تولەۋدەن جالتارعانى ءۇشىن قىلمىستىق جاۋاپكەرشىلىككە تارتۋ ماقساتىندا قازاقستان ازاماتىن ەكستراديسيالادى.
"2018-2020 جىلدار ارالىعىندا ول كوممەرسيالىق كاسىپورىن ديرەكتورى بولا تۇرا، كورپوراتيۆتىك تابىس جانە قوسىلعان قۇن سالىعىن تولەۋدەن جالتارىپ، مەملەكەتكە 293 ملن تەڭگەدەن اسا زالال كەلتىرگەن. قىلمىستى جاساعاننان كەيىن كۇدىكتى جاسىرىنىپ، ءبىر جىلدان اسا ۋاقىت بويى حالىقارالىق ىزدەۋدە بولدى. بيىل قىركۇيەكتە ول بىرىككەن اراب امىرلىكتەرى اۋماعىندا ۇستالىپ، قازاقستان باس پروكۋراتۋراسىنىڭ سۇراۋ سالۋى بويىنشا قۇقىق قورعاۋ ورگاندارىنا بەرىلدى"، - دەپ جازىلعان حابارلامادا.
ءقازىر كۇدىكتى تەرگەۋ يزولياتورىنا قاماۋعا الىندى.
