Salyq tóleýden jaltarǵan kúdikti Birikken Arab Ámirlikterinen Qazaqstanǵa ekstraditsiialandy, dep habarlaidy Dalanews.kz.
Bas prokýratýra men Qarjy monitoringi agenttiginiń qyzmetkerleri Birikken Arab Ámirlikterindegi Qazaqstan elshiliginiń qoldaýymen salyq tóleýden jaltarǵany úshin qylmystyq jaýapkershilikke tartý maqsatynda Qazaqstan azamatyn ekstraditsiialady.
"2018-2020 jyldar aralyǵynda ol kommertsiialyq kásiporyn direktory bola tura, korporativtik tabys jáne qosylǵan qun salyǵyn tóleýden jaltaryp, memleketke 293 mln teńgeden asa zalal keltirgen. Qylmysty jasaǵannan keiin kúdikti jasyrynyp, bir jyldan asa ýaqyt boiy halyqaralyq izdeýde boldy. Biyl qyrkúiekte ol Birikken Arab Ámirlikteri aýmaǵynda ustalyp, Qazaqstan Bas prokýratýrasynyń suraý salýy boiynsha quqyq qorǵaý organdaryna berildi", - dep jazylǵan habarlamada.
Qazir kúdikti tergeý izoliatoryna qamaýǵa alyndy.
