قازاقستاندا سالىق ورگاندارى ونلاين-پلاتفورمالار ارقىلى جۇمىس ىستەيتىن ءوزىن-وزى جۇمىسپەن قامتۋشىلاردىڭ تابىسىن ءجىتى باقىلاي باستايتىن بولادى. بۇل باستاما كولەڭكەلى ەكونوميكانىڭ ۇلەسىن ازايتىپ، بيۋدجەت كىرىسىن سالىقتى كوتەرمەي-اق ارتتىرۋعا باعىتتالعان. اتاپ ايتقاندا، قارجى مينيسترلىگى كۋرەرلىك قىزمەت، ماركەتپلەيستەر، فريلانس الاڭدارى سەكىلدى ونلاين-پلاتفورمالاردى پايدالاناتىن ازاماتتاردىڭ تابىسىن باقىلاۋدى قاراستىراتىن جاڭا ەرەجەلەر ازىرلەپ جاتىر، دەپ حابارلايدى Dalanews.kz.
ەندىگى جەردە مۇنداي سيفرلىق پلاتفورمالار وزدەرىندەگى جەكە تۇلعالار تۋرالى مالىمەتتى مەملەكەتتىك كىرىستەر ورگانىنا تۇراقتى ءارى ەسەپ تۇرىندە بەرىپ وتىرۋعا مىندەتتەلمەك.
جاڭا تالاپ، نەگىزىنەن، كليەنتتەردەن تىكەلەي تولەم قابىلداپ، پلاتفورمانى اينالىپ وتەتىن جەكە كاسىپكەرلەر مەن ءوزىن-وزى جۇمىسپەن قامتىعان ازاماتتارعا دا قاتىستى بولادى. سەبەبى وسى ساناتتاعى تابىس كوبىنە كولەڭكەدە قالىپ، سالىق ورگاندارىنىڭ باقىلاۋىنا تۇسپەي جاتادى.
جوسپار بويىنشا ونلاين-پلاتفورمالار سالىق ورگاندارىنا ءوز الاڭدارىندا قىزمەت كورسەتەتىن ازاماتتاردىڭ ءاتى-جونىن، جسن ءنومىرىن، قانداي قىزمەت ءتۇرىن كورسەتەتىنىن جانە قانشالىقتى ءجيى جۇمىس ىستەيتىنىن حابارلاپ تۇرۋى ءتيىس. بۇل ەرەجە، ءتىپتى پلاتفورما ارقىلى قارجىلىق ەسەپ ايىرىسۋ جۇرگىزىلمەگەن جاعدايدا دا قولدانىلادى.
قارجى مينيسترلىگى بۇل جاڭالىق كولەڭكەلى قىزمەت نارىعىمەن كۇرەسىپ، ءوزىن-وزى جۇمىسپەن قامتىعان ازاماتتاردىڭ ناقتى تابىسىن انىقتاۋعا كومەكتەسەدى دەپ سانايدى. تۇپكى ماقسات – ازاماتتاردىڭ سالىق مىندەتتەمەسىن ورىنداۋىن قامتاماسىز ەتىپ، بولاشاقتا ولاردىڭ الەۋمەتتىك تولەمدەر مەن زەينەتاقى الۋ مۇمكىندىگىن ارتتىرۋ.
جاڭا باستامانىڭ نەگىزگى ماقساتى:
- "كولەڭكەلى تابىس" كولەمىن ازايتۋ؛
- تابىس كوزدەرىن زاڭداستىرۋ؛
- ءادىل ءارى اشىق باسەكەلەستىكتى قالىپتاستىرۋ؛
- ازاماتتاردىڭ الەۋمەتتىك جانە سالىقتىق جاۋاپكەرشىلىگىن ارتتىرۋ.
شىن مانىندە، مۇنىڭ سيفرلىق ەڭبەك نارىعىن قالىپتاستىرۋعا بايلانىستى جاسالعان ماڭىزدى قادام ەكەنى ايتىلادى.
اتالعان قۇجات قازىرگى ۋاقىتتا "اشىق نقا" پورتالى ارقىلى قوعامدىق تالقىعا ۇسىنىلدى.
