يران سيرييا اۋماعىنا العاش رەت تٸكەلەي سوققى جاساپ, تاياۋ شىعىستاعى اقش نىساندارىنا جاڭا شابۋىلدار ۇيىمداستىرعانىن مەلٸمدەدٸ, دەپ حابارلايدى dalanews.kz.
يراننىڭ مەملەكەتتٸك باق-تارىنىڭ حابارلاۋىنشا, شابۋىل سيرييانىڭ حومس پروۆينتسيياسىنداعى ەت-تانف اۋدانىنا باعىتتالعان. ال يسلام رەۆوليۋتسيياسى ساقشىلار كورپۋسى (كسير) اقش-تىڭ ارنايى وپەراتسييالار كٷشتەرٸنٸڭ كوماندالىق پۋنكتٸنە سوققى بەرگەنٸن مەلٸمدەدٸ. يران تاراپى بۇل ەرەكەتٸن يرانشەحر مەن بەمپۋر قالالارىندا قازا تاپقان ەسكەري قىزمەتكەرلەر ٷشٸن جاسالعان جاۋاپ دەپ تٷسٸندٸردٸ.
الايدا Reuters اگەنتتٸگٸنە پٸكٸر بٸلدٸرگەن سيرييالىق ەسكەري دەرەككٶزدٸڭ ايتۋىنشا, زىمىراندار ەت-تانف ماڭىنا تٷسكەنٸمەن, اقش ەسكەري بازاسىنىڭ ٶزٸنە تيمەگەن. ونىڭ سٶزٸنشە, شابۋىلدان ادام شىعىنى دا, ماتەريالدىق شىعىن دا بولماعان.
