كەڭەس زامانىندا اقپاراتتىق كەڭىستىكتە جۇمىس ىستەيتىن ماماندار تەك قانا ءال-فارابي اتىنداعى قازۇۋ-دە عانا دايىندالىپ كەلدى. ال ەلىمىز تاۋەلسىزدىگىن العاننان كەيىن وقۋ ورىندا زاڭگەرلەر مەن ەكونوميستەردى جاپپاي دايىنداي باستاعاندا، كەيبىر وقۋ ورىندارى دا جۋرناليستيكانىڭ تارتىمدى ماماندىق ەكەنىن باسشىلىققا الىپ، جۋرناليستيكا فاكۋلتەتى مەن كافەدارلارىن اشىپ، مەديا مامان دايىنداۋعا كوشكەن ەدى.
ءسوز جوق، قازاقستان نارىعىندا مەملەكەت مۇددەسىن قورعايتىن جۋرناليستەردىڭ كوپ بولعانى كەرەك. كەزىندە قازاق جۋرناليستيكاسى ادەبيەت پەن مادەنيەتتىڭ اينالىسىندا شيىرلاپ جۇرەتىن-دى. ءقازىر دە سول اتا-بابامىزدىڭ مىقتى بولعانىن، ايتىپ ادبەي-مادەني تاقىرىپتاردان ۇزاپ كەتكەن جوقپىز.
جۋرنالسيتەر مادەني، ادەبي تاقىرىپتارعا قالام تەربەپ ەلىمىزدىڭ اقپاراتتىق قاۋىپسىزدىگىن قامتاماسىز ەتە المايتىنىن ءتۇسىنۋى كەرەك. ارينە، بۇل رەتتە ەشكىم قازاق ءتىلدى تىلشىلەرگە «مادەنيەت پەن تاريحي تاقىرىپتى جازباڭدار» دەپ قولىنداعى قالامىن تارتىپ المايدى.
قازاق جۋرناليستيكاسى ەلىمىزدىڭ اقپاراتتىق قاۋىپسىزدىگىن قامتاماسىز ەتۋى ءۇشىن ساياسات پەن ەكونوميكا، قارجى تاقىرىپتارىنا بارۋى كەرەك.
ەگەر قازاق جۋرناليستيكاسى بۇل تاقىرىپتاعا ەرتەرەكتە باتىل تۇردە قولعا العاندا ەشكىم ءبىزدىڭ اۋلامىزعا تاس لاقتىرىپ، قوڭىرسىتىپ اڭگىمە ايتپاس ەدى.
جالپى، مەملەكەت اقاپارتتىق ساياساتتى قالىپتاستىرۋ ءۇشىن رەسپۋبليكالىق، وبلىستىق دەڭگەيدە دە قارجى ءبولىپ، بۇل باعىتتاعى جۇمىستارعا مەيلىنشە قولداۋ كورسەتىپ كەلەدى. قازاق جۋرناليستەرى وسى قامقورلىقتىڭ ءمانى مەن ماڭىزىن ءتۇسىنۋى كەرەك.
ومىرىمىزگە الەۋمەتتىك جەلىلەر قارقىندى تۇردە ەنگەننەن كەيىن اقپاراتتىق قاۋىپسىزدىكتى تەك قانا جۋرناليستەر قالىپتاستىرادى دەگەن ۇعىم-تۇسىنىك قالىپ بارا جاتقانىن بايقاۋعا بولادى.
الەۋمەتتىك جەلىلەر كەز كەلگەن ۇلتجاندى ازاماتتىڭ ەلىمىزدىڭ اقپاراتتىق قاۋىپسىزدىگىن قامتاماسىز ەتۋگە ارالاسىنۋىنا مۇمكىندىك تۋعىزۋدا. اڭگىمەنىڭ اشىعىن ايتساق، اقپاراتتىق سالادا ارەكەت ەتىپ جۇرگەن كەيبىر ازاماتتاردىڭ جۇمىسى كەيبىر جۋرناليستەردىڭ جۇمىسىنان ءتيىمدى بولىپ تۇرعانىن جاسىرىن ەمەس. مۇنى قولىنا قالام ۇستاعان ارىپتەستەرىمىز مويىنداۋى كەرەك.
وسى جايتتى وڭ باعالاعان ق ر اقپارات جانە قوعامدىق دامۋ مينيسترلىگى جاڭا «ماسس مەديا تۋرالى» زاڭدى دايىنداۋ بارىسىندا جۋرناليستيكا بويىنشا كاسىبي تۇرعىندان ماماندانباعان، ءبىراق اقپاراتتىق سالادا جان-جاقتى جۇمىس ىستەپ ءوزىن كورسەتكەن ازاماتتاردىڭ قۇقىق قورعاپ، ولاردىڭ دا اقپاراتتىق كەڭىستىكتە جۇمىس ىستەۋىنە مۇمكىندىك تۋعىزۋعا كۇش سالىپ جاتقانى قۋانتادى.
بۇگىندە اقپاراتتىق قاۋىپسىزدىك سالاسىنىڭ اۋقىمى كەڭەيگەن.
قازىرگىدەي تەحنولوگيالار دامىعان زاماندا اقپاراتتىق سالانى تەك قانا جۋرناليستەردىڭ ەنشىسىنە قالدىرىپ، الاڭسىز وتىرۋعا بولمايدى.
سوڭعى ۋاقىتتار مينيسترلىك ەلىمىزدە سالالىق جۋرناليستيانىڭ دامۋىنا دا باسا كوڭىل ءبولىپ كەلەدى. بۇل باعىتتا ارنايى بايقاۋلار ۇيىمداستىرىپ، ءتۇرلى سالادا قالام تەربەپ جۇرگەن جۋرناليستەردى ىنتالاندىرىپ كەلەدى.
سالالىق جۋرناليستيكا دا ەلىمىزدىڭ اقپاراتتىق كەڭىستىنىڭ كەرەگەسىن كەڭەيتىپ، اقپاراتتىق يممۋنيتەتتى قالىپتاستىراتىنىن ۇمىتپاۋىمىز كەرەك.
بۇل رەتتە اقپارات جانە قوعامدىق دامۋ مينيسترلىگىنىڭ ەلىمىزدىڭ اقپاراتتىق كەڭىستىگىن قوعام بولىپ، قورعاۋدى ۇندەپ، وسى باعىتتا جۇمىس ىستەپ جاتقانى قولداۋمىز كەرەك.
نۇرلان جۇماحان
